Ýkrainadaǵy saiasi jaǵdaiǵa bailanysty elimizge dári-dármek jetkizý toqtatylady. Bul týraly «SK-Farmatsiia» JShS-niń basqarma tóraǵasy Erhat Isqaliev málim etti, dep habarlaidy QazAqparat.
Endi Ýkrainanyń ornyn aýystyrý úshin dári-dármekti Úndistan, Qytai arqyly jetkizý máselesi qaralyp jatyr.
«Búginde ýkrainalyq dári-dármek zaýyttary qyzmetin toqtatty. Olar alǵashqy partiiany jetkizdi, qazir toqtap tur. Osy oraida biz qazir Ýkrainanyń saýda-ónerkásip palatasymen shartty buzý týraly kelissóz júrgizip jatyrmyz. Baiqaýdy qaita jariialaimyz. Basqa dári-dármek óndirýshilerin izdestiremiz. Desek te Ýkraina bizdiń kúte turýymyzdy surap otyr, oǵan kútetin múmkindik joq», - dedi Erhat Isqaliev densaýlyq saqtaý tehnologiialaryn baǵalaýdy damytý máselesine arnalǵan halyqaralyq ǵylymi-praktikalyq konferentsiia barysynda.
Onyń aitýynsha, aldaǵy ýaqytta Ýkrainamen dári-dármek jetkizýge qatysty bailanys qaita qaralady.
«Ýkraina dári-dármekteriniń baǵasy tiimdi. Ókinishke qarai, zaýyttary jumysyn toqtatyp jatyr. Odan ári Ýkrainadan dári-dármek jetkizý máselesi qaita qaralady. Ázirge, Úndistan, Qytai jáne Eýropa elderi arqyly jetkizý jaǵy qaralyp jatyr», - deidi ol.
Sondai-aq, kompaniia basshysy elimizge dári-dármek jetkizý jumysyna qatysty pikir bildirdi.
«Jetkizýge qatysty problema joq. Dári-dármekti otandyq kólikter jetkizý ústinde, bizge «Qazlogistik» pen «QTJ» qol ushyn sozýda. Elimizde dári-dármek tapshylyǵy joq. Men ózim burynǵy kásibi logistpin, sondyqtan salaǵa qatysty ár pozitsiia men normativtik qujattarmen jaqsy tanyspyn. Reseimen de problema joq, dári-dármek ýaqytyly jetkizilip jatyr. Bul jyly kórshi el 1 jyldyq qordy birden jiberip qoidy. Jalpy biz dári-dármek qoryn jarty jylǵa jetetin kólemde satyp alamyz. Osyǵan orai aldyn ala josparlap, taýardy jetkizý jolyn qarastyramyz. Menimshe, biyl dári jetkizýde problema bolmaýy tiis», - deidi ol.
Eske sala ketsek, sáýirdiń basynda Densaýlyq saqtaý ministrligi Ýkarinadan dári ákelý kelisimsharttarynyń kúshi joiylatynyn habarlady.
Aita keteiik, búgin elordada Shyǵys Eýropa jáne Ortalyq Aziia elderinde densaýlyq saqtaý tehnologiialaryn baǵalaýdy damytý máselesine arnalǵan halyqaralyq ǵylymi-praktikalyq konferentsiia ótip jatyr.
