Densaýlyq saqtaý ministri Aleksei Tsoi elde dári-dármek jetispeýshiligi bolmaitynyn málimdedi, dep habarlaidy "Ult aqparat".
Úkimettiń keńeitilgen otyrysynda Memleket basshysy Aleksei Tsoiǵa dári-dármek baǵasy qalai qadaǵalanyp jatqanyn surady.
«Meniń bilýimshe bul turǵyda másele áli de bar sekildi. Bul baǵytta qandai jumys júrgizip jatyrsyzdar?» - dep surady Prezident Aleksei Tsoidan.
Bul suraqqa jaýap bergen ministr dári-dármektiń shekti baǵasyn qadaǵalaý máselesi qaita qaralǵanyn málim etti.
«Qazirgi ýaqytta koronavirýs preparattary boiynsha marketingti shyǵyndardyń bárin alyp tastadyq. Dárihanalarda jetispeýshilik bolmas úshin biz koronavirýsqa shaldyqqan adamdarǵa ambýlatoriialyq dári-dármekti tegin qyldyq. Bul da dárihanalardaǵy kezekti joidy. Osylaisha biz antikovid preparattardyń baǵasyn orta eseppen 27 paiyzǵa arzandattyq. Sonymen qatar biyl «Halyq densaýlyǵy» kodeksine tiisti ózgeristerdi engizip, bólshektik segmenttegi baǵalardy qadaǵalaý tetigin alyp tastamaqpyz. Osylaisha, biz bólshektik segmenttegi baǵany tómendeterlik qosymsha tetikterge ie bolamyz», - dedi ol.
«Iaǵni dári-dármek jetispeýshiligi bolmaidy ǵoi?» dep suraǵyn qaitalady Prezident.
Bul suraqqa Aleksei Tsoi «iá» dep jaýap berdi.
