QR Densaýlyq saqtaý ministrligi men «Nobel» kompaniiasy dári-dármek óndirisi boiynsha memorandýmǵa qol qoidy, dep habarlaidy "Ult aqparat".
Búgin Densaýlyq saqtaý ministri Aleksei Tsoi «Nobel Ilach Sanai ve Tidjaret Anonim Shirketi» kompaniiasynyń ókilderimen onlain-kezdesý ótkizdi.
Onyń barysynda QR Densaýlyq saqtaý ministrligi men sheteldik investor arasynda «Nobel Almaty farmatsevtikalyq fabrikasy» AQ bazasynda Qazaqstan Respýblikasynda dárilik preparattar óndirisin qurý boiynsha investitsiialyq jobany iske asyrý týraly ózara túsinistik memorandýmyna qol qoiyldy.
«Qujattyń maqsaty «SQ-Farmatsiia» JShS-men jasalǵan dárilik zattardy jetkizýdiń uzaq merzimdi sharty sheńberinde Qazaqstanda dárilik preparattar óndirisin qurý, «Nobel Almaty farmatsevtikalyq fabrikasy» AQ investitsiialyq jobasyn iske asyrý», - dedi Tsoi.
Ministr «Nobel» kompaniiasy álemdegi eń iri farmatsevtikalyq óndirýshilerdiń biri ekenin jáne QR Densaýlyq saqtaý ministrligi ekijaqty yntymaqtastyqqa zor mán beretinin atap ótti.
QR-da dárilik preparattar óndirisi boiynsha atalǵan investitsiialyq joba 2025 jylǵa deiin iske asyrylady dep josparlanǵan. Onyń sheńberinde 400-ge jýyq jańa jumys orny ashylmaq.
«Dárilik preparat óndirisi QR ekonomikasyna aitarlyqtai úles qosady. Bul memorandým seriktestikke serpin berip, qoǵam densaýlyǵyn nyǵaitýǵa sep bolady», - dedi Tsoi.
«Nobel» kompaniiasy Direktorlar keńesiniń tóraǵasy Hasan Ýlýsoi Qazaqstan Úkimetiniń qazirgi jáne bolashaqtaǵy investitsiialyq jobalarǵa tartylǵan sheteldik kompaniialarǵa degen senimine alǵysyn bildirdi.
«Investitsiialyq joba boiynsha memorandým – bul Qazaqstanǵa degen senimniń kórinisi. Jańa óndiris joǵary tehnologiialardy paidalana otyryp, biotehnologiialyq preparattar shyǵarý josparlanyp otyrǵan alǵashqy óndiristik alań bolady», - dedi Hasan Ýlýsoi.
Aita keteiik, 2020 jylǵa arnalǵan Biryńǵai distribiýtordyń tizimi boiynsha «Nobel Almaty farmatsevtikalyq fabrikasy» AQ uzaq merzimdi sharttar boiynsha 15,8 mlrd teńge somasyna dárilik zattardyń 91 ataýyn jetkizdi. 2020 jylǵa «Nobel Almaty farmatsevtikalyq fabrikasy» AQ-dan satyp alýdyń jalpy somasy 16,8 mlrd teńgeni quraidy. 2021 jylǵa jalpy somasy 16,5 mlrd teńgege dárilik zattardyń 88 ataýyn jetkizýge uzaq merzimdi sharttarǵa qosymsha kelisim jasaldy.
