قر دەنساۋلىق ساقتاۋ مينيسترلٸگٸ مەن «نوبەل» كومپانيياسى دەرٸ-دەرمەك ٶندٸرٸسٸ بويىنشا مەموراندۋمعا قول قويدى, دەپ حابارلايدى "ۇلت اقپارات".
بٷگٸن دەنساۋلىق ساقتاۋ مينيسترٸ الەكسەي تسوي «نوبەل يلاچ ساناي ۆە تيدجارەت انونيم شيركەتي» كومپانيياسىنىڭ ٶكٸلدەرٸمەن ونلاين-كەزدەسۋ ٶتكٸزدٸ.
ونىڭ بارىسىندا قر دەنساۋلىق ساقتاۋ مينيسترلٸگٸ مەن شەتەلدٸك ينۆەستور اراسىندا «نوبەل الماتى فارماتسەۆتيكالىق فابريكاسى» اق بازاسىندا قازاقستان رەسپۋبليكاسىندا دەرٸلٸك پرەپاراتتار ٶندٸرٸسٸن قۇرۋ بويىنشا ينۆەستيتسييالىق جوبانى ٸسكە اسىرۋ تۋرالى ٶزارا تٷسٸنٸستٸك مەموراندۋمىنا قول قويىلدى.
«قۇجاتتىڭ ماقساتى «سق-فارماتسييا» جشس-مەن جاسالعان دەرٸلٸك زاتتاردى جەتكٸزۋدٸڭ ۇزاق مەرزٸمدٸ شارتى شەڭبەرٸندە قازاقستاندا دەرٸلٸك پرەپاراتتار ٶندٸرٸسٸن قۇرۋ, «نوبەل الماتى فارماتسەۆتيكالىق فابريكاسى» اق ينۆەستيتسييالىق جوباسىن ٸسكە اسىرۋ», - دەدٸ تسوي.
مينيستر «نوبەل» كومپانيياسى ەلەمدەگٸ ەڭ ٸرٸ فارماتسەۆتيكالىق ٶندٸرۋشٸلەردٸڭ بٸرٸ ەكەنٸن جەنە قر دەنساۋلىق ساقتاۋ مينيسترلٸگٸ ەكٸجاقتى ىنتىماقتاستىققا زور مەن بەرەتٸنٸن اتاپ ٶتتٸ.
قر-دا دەرٸلٸك پرەپاراتتار ٶندٸرٸسٸ بويىنشا اتالعان ينۆەستيتسييالىق جوبا 2025 جىلعا دەيٸن ٸسكە اسىرىلادى دەپ جوسپارلانعان. ونىڭ شەڭبەرٸندە 400-گە جۋىق جاڭا جۇمىس ورنى اشىلماق.
«دەرٸلٸك پرەپارات ٶندٸرٸسٸ قر ەكونوميكاسىنا ايتارلىقتاي ٷلەس قوسادى. بۇل مەموراندۋم سەرٸكتەستٸككە سەرپٸن بەرٸپ, قوعام دەنساۋلىعىن نىعايتۋعا سەپ بولادى», - دەدٸ تسوي.
«نوبەل» كومپانيياسى ديرەكتورلار كەڭەسٸنٸڭ تٶراعاسى حاسان ۋلۋسوي قازاقستان ٷكٸمەتٸنٸڭ قازٸرگٸ جەنە بولاشاقتاعى ينۆەستيتسييالىق جوبالارعا تارتىلعان شەتەلدٸك كومپانييالارعا دەگەن سەنٸمٸنە العىسىن بٸلدٸردٸ.
«ينۆەستيتسييالىق جوبا بويىنشا مەموراندۋم – بۇل قازاقستانعا دەگەن سەنٸمنٸڭ كٶرٸنٸسٸ. جاڭا ٶندٸرٸس جوعارى تەحنولوگييالاردى پايدالانا وتىرىپ, بيوتەحنولوگييالىق پرەپاراتتار شىعارۋ جوسپارلانىپ وتىرعان العاشقى ٶندٸرٸستٸك الاڭ بولادى», - دەدٸ حاسان ۋلۋسوي.
ايتا كەتەيٸك, 2020 جىلعا ارنالعان بٸرىڭعاي ديستريبيۋتوردىڭ تٸزٸمٸ بويىنشا «نوبەل الماتى فارماتسەۆتيكالىق فابريكاسى» اق ۇزاق مەرزٸمدٸ شارتتار بويىنشا 15,8 ملرد تەڭگە سوماسىنا دەرٸلٸك زاتتاردىڭ 91 اتاۋىن جەتكٸزدٸ. 2020 جىلعا «نوبەل الماتى فارماتسەۆتيكالىق فابريكاسى» اق-دان ساتىپ الۋدىڭ جالپى سوماسى 16,8 ملرد تەڭگەنٸ قۇرايدى. 2021 جىلعا جالپى سوماسى 16,5 ملرد تەڭگەگە دەرٸلٸك زاتتاردىڭ 88 اتاۋىن جەتكٸزۋگە ۇزاق مەرزٸمدٸ شارتتارعا قوسىمشا كەلٸسٸم جاسالدى.
