Úkimettiń qaýlysymen Daniiar Qadyrov aqparat jáne qoǵamdyq damý vitse-ministri qyzmetine taǵaiyndaldy, - dep habarlaidy "Ult aqparat" primeminister.kz saityna silteme jasap.
Daniiar Qadyrov 1975 jyly Almaty qalasynda dúniege kelgen. Ál-Farabi atyndaǵy Qazaq memlekettik ulttyq ýniversitetin bitirgen.
Eńbek jolyn 1999 jyly QR Mádeniet ministrliginiń Buqaralyq aqparat quraldary departamentiniń jetekshi mamany qyzmetinen bastaǵan. 2000-2004 jyldary - QR Mádeniet ministrliginiń qurylymynda túrli laýazymdar atqarǵan.
2004-2005 jyldary - QR BǴM Jastar saiasaty departamenti direktorynyń orynbasary; jastar jáne áleýmettik baǵdarlamalar basqarmasynyń basshysy. 2005-2007 jyldary - Stepnogorsk qalasy ákiminiń orynbasary.
2007 jyly QR Prezidenti Ákimshiliginiń Memlekettik baqylaý jáne uiymdastyrý jumysy bóliminiń sektor meńgerýshisi boldy. 2007-2013 jyldary - QR Mońǵoliiadaǵy elshiliginiń keńesshi-ýákili. 2013-2015 jyldary - QR Túrikmenstandaǵy elshiliginiń keńesshi-ýákili.
2015-2019 jyldary - "QR teleradio habarlaryn taratý operatorlarynyń qaýymdastyǵy" ZTB atqarýshy direktory. 2019 jyldan bastap qazirge deiin QR Prezidenti Ákimshiliginiń Ótinishterdi qaraýdy baqylaý bólimi meńgerýshisiniń orynbasary boldy.
