Qazaqstandyq jartylai orta salmaqtaǵy kásipqoi boksshy Daniiar Eleýsinovtiń (10-0, 6 KO) 18 jeltoqsanda Nur-Sultanda ótetin jekpe-jegindegi qarsylasynyń esimi belgili boldy, dep habarlaidy QazAqparat Sports.kz saityna silteme jasap.
Sportshynyń menedjeri Ziia Álievtiń aitýynsha, ol «Esi ketken» laqap atymen tanymal meksikandyq boksshy Dante Hardon (34-7, 25 KO) bolmaq. Boksshylar IBO nusqasy boiynsha jartylai orta salmaqtaǵy álem chempiony ataǵy úshin aiqasady.
Hardon 27 tamyzda Ulybritaniiada ótken sońǵy jekpe-jeginde qarsylasy, jergilikti boksshy Entoni Tomlinsondy (13-1, 7 KO) nokaýtqa túsirip, IBO Inter-Continental nusqasy boiynsha jartylai orta salmaqtaǵy chempiondyq ataqty jeńip alǵan. Eleýsinov bolsa, sońǵy ret 2020 jyldyń qarasha aiynda AQSh-ta ótken judyryqtasýynda burynǵy álem chempiony Djýliýs Indongony (23-4, 12 KO) merziminen buryn jeńip, IBF Inter-Continental titýlyna ie bolǵan.
