قازاقستاندىق جارتىلاي ورتا سالماقتاعى كەسٸپقوي بوكسشى دانييار ەلەۋسٸنوۆتٸڭ (10-0, 6 كو) 18 جەلتوقساندا نۇر-سۇلتاندا ٶتەتٸن جەكپە-جەگٸندەگٸ قارسىلاسىنىڭ ەسٸمٸ بەلگٸلٸ بولدى, دەپ حابارلايدى قازاقپارات Sports.kz سايتىنا سٸلتەمە جاساپ.
سپورتشىنىڭ مەنەدجەرٸ زييا ەليەۆتٸڭ ايتۋىنشا, ول «ەسٸ كەتكەن» لاقاپ اتىمەن تانىمال مەكسيكاندىق بوكسشى دانتە حاردون (34-7, 25 كو) بولماق. بوكسشىلار IBO نۇسقاسى بويىنشا جارتىلاي ورتا سالماقتاعى ەلەم چەمپيونى اتاعى ٷشٸن ايقاسادى.
حاردون 27 تامىزدا ۇلىبريتانييادا ٶتكەن سوڭعى جەكپە-جەگٸندە قارسىلاسى, جەرگٸلٸكتٸ بوكسشى ەنتوني توملينسوندى (13-1, 7 كو) نوكاۋتقا تٷسٸرٸپ, IBO Inter-Continental نۇسقاسى بويىنشا جارتىلاي ورتا سالماقتاعى چەمپيوندىق اتاقتى جەڭٸپ العان. ەلەۋسٸنوۆ بولسا, سوڭعى رەت 2020 جىلدىڭ قاراشا ايىندا اقش-تا ٶتكەن جۇدىرىقتاسۋىندا بۇرىنعى ەلەم چەمپيونى دجۋليۋس يندونگونى (23-4, 12 كو) مەرزٸمٸنەن بۇرىن جەڭٸپ, IBF Inter-Continental تيتۋلىنا يە بولعان.
