Qazaqstandyq kásipqoi boksshy Daniiar Eleýsinov (3-0, 1 KO) Instagram paraqshasynda kelesi jekpe-jegi shamamen qai kezde ótetinin aitty, dep habarlaidy Sports.kz.
«Kelesi jekpe-jek qazan aiyna josparlanǵan», - dep jazdy boksshy.
Eske sala keteiik, jerlesimiz 4 tamyz kúni Kardifftegi (Ýels) Ice Arena Wales arenasynda ótken boks keshinde majarstandyq Gabor Gorbichti (24-12, 14 KO) jeńgen bolatyn. Tóreshiler alty raýndtyń barlyǵynda qazaqstandyq boksshynyń upaiy sany basym bolǵanyn kórsetti: 60-54. Degenmen Daniiar jekpe-jek qorytyndysyna kóńili tolmai, kezdesýdi merziminen buryn aiaqtaýdy josparlaǵanyn bildirgen.
Sodan keiin Eleýsinovtiń BoxRec.com saityndaǵy reitingi sharyqtap, birden 75 saty joǵarylady.
