Jartylai salmaqtaǵy qazaqstandyq boksshy Daniiar Eleýsinov jaz aiynda Qazaqstanda kezdesý ótkizetindigi týraly qupiiany jariia etti, dep habarlaidy «SPORTINFORM» SAA.
Bul týraly Lodondaǵy Olimpiada chempiony Open Ring YouTube-jobasyna bergen suhbatynda aitty.
Eleýsinovtiń sózinshe, bul óńirlik beldikterdiń biri úshin bolatyn titýldy tartys bolýy tiis. Sonymen qatar Daniiardyń kelesi kezdesýi 10 raýndqa esepteledi. Alaida qazaqstandyq sportshynyń qai qalada judyryqtasatyny ázirge belgisizi. Anyǵy - bul Astana nemese Almaty qalasy bolady.
«Kelesi kezdesý 10 raýndtan turatyn bolady. Biz Qazaqstanda kezdesý ótkizemiz be degen máselege keletin bolsaq, ia biz ony uiymdastyramyz. Biz buny osy ýaqytqa dein qupiia ustap keldik. Biraq bul aqparat osy kezde qalyń kópshilikke tarap ketken siiaqty. Sondyqtan aita bergen jón shyǵar. Biz jazda Qazaqstanda kezdesý ótkizemiz. Bul titýldy jekpe-jek bolady. Bálkim, óńirlik bolatyn shyǵar», - dep oiymen bólisti Eleýsinov.
Aita keteiik, qarashanyń sońynda Eleýsinov nikaragýalyq Markos Mohikýdy nokaýtqa jiberip, óziniń kásibi ringtegi 5-shi kezdesýinde jeńiske jetti.
