Qazaqstandyq kásipqoi boksshy Daniiar Eleýsinovtiń (9-0, 5 KO) kelesi jekpe-jeginiń datasy anyqtaldy, dep habarlaidy "Ult aqparat".
«27 qarasha, Florida, Gollivýd. «Hard Rok» kazinosynda boks keshi ótedi. Qudai qalasa sol keshte men de óner kórsetetin bolamyn», - dep jazdy boksshy Instagram-daǵy paraqshasynda.
Qazaqstandyq sportshynyń kezekti aiqasy týraly onyń menedjeri Ziia Áliev te Instagram-da anons jasady.
Málim bolǵandai, Daniiar Eleýsinovtiń qarsylasy – WBA Super, IBF jáne IBO nusqalary boiynsha birinshi orta salmaqtaǵy álemniń burynǵy chempiony, namibiialyq Djýliýs Indongo (23-2, 12 KO).
Boks keshi Gollivýdtaǵy (AQSh, shtat Florida) Seminole Hard Rock Hotel and Casino arenasynda ótetini buǵan deiin habarlanǵan bolatyn.
Aita keteiik, Eleýsinov-Indigo jekpe-jegi sáýir aiynda uiymdastyrylýy tiis edi. Alaida, pandemiiaǵa bailanysty keiinge shegerildi.
Daniiar sońǵy jekpe-jegin ótken jyldyń jeltoqsanynda ótkizdi. Ol amerikalyq Alan Sanchesti (20-5-1, 10 KO) besinshi raýndta tehnikalyq nokaýtpen jeńdi.
