دانييار ەلەۋسٸنوۆ رينگكە قاشان شىعاتىنى جارييالاندى?

قازاقستاندىق كەسٸپقوي بوكسشى دانييار ەلەۋسٸنوۆتٸڭ (9-0, 5 كو) كەلەسٸ جەكپە-جەگٸنٸڭ داتاسى انىقتالدى, دەپ حابارلايدى "ۇلت اقپارات".

«27 قاراشا, فلوريدا, گولليۆۋد. «حارد روك» كازينوسىندا بوكس كەشٸ ٶتەدٸ. قۇداي قالاسا سول كەشتە مەن دە ٶنەر كٶرسەتەتٸن بولامىن», - دەپ جازدى بوكسشى Instagram-داعى پاراقشاسىندا.

قازاقستاندىق سپورتشىنىڭ كەزەكتٸ ايقاسى تۋرالى ونىڭ مەنەدجەرٸ زييا ەليەۆ تە Instagram-دا انونس جاسادى.

مەلٸم بولعانداي, دانييار ەلەۋسٸنوۆتٸڭ قارسىلاسى – WBA Super, IBF جەنە IBO نۇسقالارى بويىنشا بٸرٸنشٸ ورتا سالماقتاعى ەلەمنٸڭ بۇرىنعى چەمپيونى, ناميبييالىق دجۋليۋس يندونگو (23-2, 12 كو). 

بوكس كەشٸ گولليۆۋدتاعى (اقش, شتات فلوريدا) Seminole Hard Rock Hotel and Casino ارەناسىندا ٶتەتٸنٸ بۇعان دەيٸن حابارلانعان بولاتىن. 

ايتا كەتەيٸك, ەلەۋسٸنوۆ-ينديگو جەكپە-جەگٸ سەۋٸر ايىندا ۇيىمداستىرىلۋى تيٸس ەدٸ. الايدا, پاندەميياعا بايلانىستى كەيٸنگە شەگەرٸلدٸ. 

دانييار سوڭعى جەكپە-جەگٸن ٶتكەن جىلدىڭ جەلتوقسانىندا ٶتكٸزدٸ. ول امەريكالىق الان سانچەستٸ (20-5-1, 10 كو) بەسٸنشٸ راۋندتا تەحنيكالىق نوكاۋتپەن جەڭدٸ.