Rio-de Janeiro olimpiadasynyń chempiony Daniiar Eleýsinov bokstan Qazaqstan ulttyq quramasyna qaita oraldy. Bul týraly Daniiardyń ózi aityp berdi, dep jazady QazAqparat.
«Men Ulttyq quramaǵa qaita oraldym. Alla qalasa aldaǵy ýaqytta burynǵydai qurama sapynda óner kórsetetin bolam. Qazir Astanada otbasymmen birge demalyp jatyrmyn. Buiyrsa daiyndyqty bastaityn kúnderim de alys emes», - dep atap ótti ol.
Sonymen qatar ol aldaǵy ýaqyta «qai salmaqta óner kórsetesiz?» degen suraǵymyzǵa da kesimdi jaýabyn berdi.
«Men «qazaqtyń salmaǵy» atanyp ketken 69 kelide Olimpiada chempiony atandym. 4-5 jyl osy salmaqta óner kórsettim. Aldaǵy ýaqytta da osy salmaqta qala beremin», - dedi Daniiar Eleýsinov.
Esterińizge sala keteiik, Daniiar Eleýsinov Rio Olimpiadasynan keiin avstraliialyq MJA Entertainment promoýterlik kompaniiasymen kelisimshart jasasyp, kásipqoi boksqa aýysqan bolatyn. Alaida, olar ýádesinen taiyp, keiin kelisimnen bas tartqany týraly habarlaǵanbyz.
