Qazaqstandyq Olimpiada chempiony Daniiar Eleýsinov pen meksikalyq Silverio Ortis jekpe-jek aldynda salmaq ólshý rásiminen ótti, dep habarlaidy QazAqparat Qazaqstan boks federatsiiasyna silteme jasap.
Otandasymyz salmaq ólsheý rásiminiń qorytyndysy boiynsha qarsylasynan jeńil bolyp shyqty - onyń salmaǵy 148,2 fýnt bolsa, S.Ortistiki - 150,7.
Bul - 2016 jylǵy Olimpiada chempionynyń kásibi mansabyndaǵy altynshy aiqasy. Buǵan deiingi bes jekpe-jekte jeńiske jetse, úsheýinde qarsylasyn nokaýtqa túsirgen. S.Ortistiń tájiribesi kóbirek - ol kásibi ringte 37 aiqas ótkizgen. Onyń 23-inde jeńilis tapqan. Biraq, meksikalyq 18 jekpe-jekti merziminen buryn aiaqtady.
Eleýsinov-Ortis aiqasy Filadelfiiada (AQSh, Pensilvaniia shtaty) Liacouras Center arenasyndaǵy boks keshiniń anderkartynda segiz raýndqa sozylady dep josparlanyp otyr. Basty boks keshinde jartylai jeńil salmaqtaǵy IBF chempiony, amerikalyq Tevin Farmer (28-4-1, 6KO) men irlandyq Djono Kerroll (16-0-1, 3KO) judyryqtasady.
Shoýdy Gennadii Golovkin taiaýda ǵana kelisimshart jasaǵan DAZN strimingtik servisi transliatsiialaidy. Bul aiqasty 16 naýryz kúni Astana ýaqytymen 06:00-de «Habar» telearnasynan tikelei efirden tamashalaýǵa bolady.
