قازاقستاندىق وليمپيادا چەمپيونى دانييار ەلەۋسٸنوۆ پەن مەكسيكالىق سيلۆەريو ورتيس جەكپە-جەك الدىندا سالماق ٶلشۋ رەسٸمٸنەن ٶتتٸ, دەپ حابارلايدى قازاقپارات قازاقستان بوكس فەدەراتسيياسىنا سٸلتەمە جاساپ.
وتانداسىمىز سالماق ٶلشەۋ رەسٸمٸنٸڭ قورىتىندىسى بويىنشا قارسىلاسىنان جەڭٸل بولىپ شىقتى - ونىڭ سالماعى 148,2 فۋنت بولسا, س.ورتيستٸكٸ - 150,7.
بۇل - 2016 جىلعى وليمپيادا چەمپيونىنىڭ كەسٸبي مانسابىنداعى التىنشى ايقاسى. بۇعان دەيٸنگٸ بەس جەكپە-جەكتە جەڭٸسكە جەتسە, ٷشەۋٸندە قارسىلاسىن نوكاۋتقا تٷسٸرگەن. س.ورتيستٸڭ تەجٸريبەسٸ كٶبٸرەك - ول كەسٸبي رينگتە 37 ايقاس ٶتكٸزگەن. ونىڭ 23-ٸندە جەڭٸلٸس تاپقان. بٸراق, مەكسيكالىق 18 جەكپە-جەكتٸ مەرزٸمٸنەن بۇرىن اياقتادى.
ەلەۋسٸنوۆ-ورتيس ايقاسى فيلادەلفييادا (اقش, پەنسيلۆانييا شتاتى) Liacouras Center ارەناسىنداعى بوكس كەشٸنٸڭ اندەركارتىندا سەگٸز راۋندقا سوزىلادى دەپ جوسپارلانىپ وتىر. باستى بوكس كەشٸندە جارتىلاي جەڭٸل سالماقتاعى IBF چەمپيونى, امەريكالىق تەۆين فارمەر (28-4-1, 6كو) مەن يرلاندىق دجونو كەررولل (16-0-1, 3كو) جۇدىرىقتاسادى.
شوۋدى گەنناديي گولوۆكين تاياۋدا عانا كەلٸسٸمشارت جاساعان DAZN ستريمينگتٸك سەرۆيسٸ ترانسلياتسييالايدى. بۇل ايقاستى 16 ناۋرىز كٷنٸ استانا ۋاقىتىمەن 06:00-دە «حابار» تەلەارناسىنان تٸكەلەي ەفيردەن تاماشالاۋعا بولادى.
