Jeńilmegen qazaqstandyq kásipqoi boksshy Daniiar Eleýsinov aldaǵy qarsylastary týraly qysqasha aityp ótti, dep habarlaidy "Ult aqparat".
«Qarsylastarym myqty bolǵan saiyn, men de myqty bola túsemin», - dep jazdy boksshy Instagram paraqshasyna.
Eske sala keteiik, Daniiar kelesi jekpe-jegin 20 jeltoqsan kúni Las-Vegastaǵy (AQSh) MGM Grand arenasynda Deniel Djeikobstyń boks keshinde ótkizýi tiis. Ázirge Eleýsinovtiń qarsylasy belgili emes.
Aita ketsek, Daniiar Eleýsinov buǵan deiin jankúierlerine syi daiyndap jatqanyn málim etken bolatyn.
Olimpiada chempiony sońǵy jekpe-jegin 14 qyrkúiek kúni ótkizip, amerikalyq Reshard Hiksti (12-1-1, 6KO) birinshi raýndta nokaýtqa jibergen edi.
Kásipqoi ringtegi 8-inshi jeńisinen keiin Eleýsinov álemdik reitingte toǵyz satyǵa joǵarylap, 161-den 152-inshi orynǵa jaiǵasty.
