Qazaqstandyq sportshy Daniiar Eleýsinov QR Kásipodaqtar Federatsiiasynan Prezidenttikke úmitker Amankeldi Taspihovtyń respýblikalyq qoǵamdyq shtabynda boldy, dep habarlaidy "Ult aqparat" QR Kásipodaqtar federatsiiasynyń baspasóz qyzmetine silteme jasap.
Kezdesý barysynda prezidenttikke úmitker men Olimpiada chempiony úlken sport týraly pikir almasyp, ómirlik ustanymdarymen, bolashaq josparlarymen bólisti.
Jas sportshy Daniiar Eleýsinov búginde Qazaqstannyń sporttyq jetistikterin arttyryp, eń tanymal álemdik arenalardyń tuǵyryn baǵyndyryp júr. 27 jastaǵy boksshynyń qorjynynda jeti shaiqastan jeti jeńis bar. Jeti jekpe-jektiń tórteýi - AQSh-ta, ekeýi - Ulybritaniiada, bireýi Monakoda ótken.
Sportshy kandidattyń sailaýaldy tuǵyrnamasynyń negizgi baǵyttarymen tanysa otyryp, kásipodaqtyń kóptegen qundylyqtarynyń, sonyń ishinde qaýipsizdik tehnikasyn saqtaý, komanda múshelerimen ujymdyq eńbek shartyn jasaý jáne taǵy basqa máseleleriniń mańyzyn atap ótti.
Kezdesý sońynda ekeýi bir-birine sáttilik pen jeńis tiledi. Aita keteiik, Amankeldi Taspihov pen Daniiar Eleýsinov - jerlester, ekeýi de - Batys Qazaqstan oblysy, Kaztalov aýdanynyń týmasy.
