Britandyq tanymal Boxing News basylymynyń saity 2016 jyly Rio-de-Janeiro qalasynda ótken Olimpiada oiyndaryna qatysqan úzdik on júldegerdiń tizimin usyndy. Buǵan Qazaqstan ókili Daniiar Eleýsinov te kirdi, dep habarlaidy "Ult aqparat" Sports.kz saityna silteme jasap.
Sol oiyndarda Daniiar 69 kelige deiingi salmaq dárejesinde altyn medal ielendi. Boxing News-tiń úzdik ondyǵynda ol altynshy oryn enshiledi.
«2016 jyly Eleýsinov minberdiń basyna shyǵyp, kásipqoi boksqa ótken sátten beri jaqsy formada júr. Qazaqstan ókili, solaqai boksshy jartylai ortasha salmaq dárejesinde senimdi qadamdar jasap keledi», - delingen materialda.
Sondai-aq tizimge Eleýsinovtiń Riodaǵy olimpiadalyq jarys boiynsha eki qarsylasy – ózbek Shahram Giiasov pen Frantsiia ókili Súleiman Sissokonyń esimderi de kirgen.
Úzdikter «ondyǵy» kelesidei:
1. Klaressa Shilds (AQSh)
2. Mýrodjon Ahmadaliev (Ózbekstan)
3. Djo Djois (Ulybritaniia)
4. Shakýr Stivenson (AQSh)
5. Toni Ioka (Frantsiia)
6. Daniiar Eleýsinov (Qazaqstan)
7. Filip Hrgovich (Horvatiia)
8. Djoshýa Býatsi (Ulybritaniia)
9. Shahram Giiasov (Ózbekstan)
10. Súleiman Sissoko (Frantsiia).
