Ulttyq qoǵamdyq senim keńesinde halyqqa tanys emes adam joq. Bul pikirdi qoǵam qairatkeri, saiasattanýshy jáne Ulttyq qoǵamdyq senim keńesiniń múshesi Daniiar Áshimbaev aitty, dep habarlaidy QazAqparat tilshisi.
«Bul keńeske qosý úshin júzdegen adamnyń esimi aityldy. Biraq, olardyń bárin qossa, keńes jumysy júrmei qalar edi. Elimizdiń qoǵamdyq-saiasi damý máselelerin talqylaityn kásibi dialog alańyna ainalǵan keńestiń shaǵyn quram nusqasy anaǵurlym tiimdi. Árine, keńes pen onyń quramyn úlken jumys kútip tur. Bul durys ta. Qazirgi ýaqytta minsiz qurylymdy jasaý múmkin emes, biraq tańdalǵan tulǵalar alýan túrli pikirdi ortaǵa sala alady. Jarlyqta beitanys adam joq. Bilikke berilgen adamdar da az. Pikirtalastan aqiqat týmasa da, sonyń jurnaǵy bolýy múmkin. Bilik qoǵamdy tyńdaýǵa daiyn jáne Ulttyq qoǵamdyq senim keńesi saiasi reforma jasaýǵa, bilik-qoǵam dialogyn damytýǵa jáne qabyldanatyn sheshim sapasyn jaqsartýǵa kómektesedi», - dedi Daniiar Áshimbaev.
Eske sala ketsek, búgin Memleket basshysy Qasym-Jomart Toqaev Ulttyq qoǵamdyq senim keńesi týraly Jarlyqqa qol qoidy. Sondai-aq keńestiń quramyna kimder engeni belgili boldy.
