Qazaqstanda qabyldanǵan beibit jinalystar týraly zańnamada sheteldik sarapshylardy qulaq asa bermei, eń aldymen ulttyq múddeni eskerý kerek. Belgili qazaqstandyq saiasattanýshy Daniiar Áshimbaev osylai deidi, dep habarlaidy QazAqparat.
«Beibit jinalystar týraly» zań óz oiyn bildirgisi keletin azamattarǵa jaqsy múmkindik beretinin aita ketý kerek. Áleýmettik, ekonomikalyq nemese saiasi máselelerge kelgende miting - narazylyqtyń bir túri retinde burq ete túsetin jaǵdailar kóp kezdesedi. Álbette kez kelgen másele mitingke kelip tirelse bilik óz jumysynda kem-ketik jiberip, ótinimderdi qabyldamai, adamdarda basqa amal qalmaityndai jaǵdaiǵa ákeldi degen sóz. Osy rette adamdar narazylyqtaryn bildirýge quqyly», - deidi saiasattanýshy.
Sarapshy bizdiń qoǵamǵa turaqtylyq pen kelisim sekildi qundylyqtar óte mańyzdy ekenin aitady.
«Qazirgi jaǵdaida ahýaldy ýshyqtyryp alýdyń aqyry ultaralyq nemese konfessiiaaralyq qaqtyǵystarǵa ákep soqtyrýy múmkin. Máselen bul saladaǵy zańdy qabyldai otyryp, halyqaralyq quqyq normalaryna silteme jasai bermei, oryndy oi, paiymdy usynystarǵa qulaq asý kerek. Mitingilerde talqylaityn jáne talqylaýdy qajet etpeitin taqyryptar bar. Bizdiń qoǵamda osy máselelerge qatysty radikaldy jáne tipti agressivti kózqarastaǵy toptar bar. Sondyqtan belgili bir retteý tártibi bolý kerek. Kóptegen halyqaralyq konventsiialarǵa, kelisimder men sarapshylardyń oiyna silteme jasai otyryp, jańa zańdy syn sadaǵyna iliktirip jatqandardy kórip otyrmyz. Biraq qazir biz ulttyq zańnama týraly aityp otyrmyz. Ol álemdik tájiribe mysaldaryna negizdelmeýi kerek. Olardy tabý ońai. Aqylǵa qonymdy iske iek artqan abzal. Bizdiń qoǵamǵa ne qajet – sol eskerilýi kerek. Frantsiia, Koreia nemese Pákistanǵa qolaily zań bizge qajet emes», - dedi Daniiar Áshimbaev.
Saiasattanýshynyń paiymyna súiensek, beibit jinalystar týraly jańa zań aitarlyqtai liberaldy sipatqa ie. Sonymen qatar, bul qujat qoǵamǵa orny tolmas shyǵyn keltiretin saiasi, ulttyq, dini radikalizmniń jolyn kesýge de qaýqarly.
Daniiar Áshimbaev túrli toptar men birlestikter qatysqan, jaqynda bolǵan mitingilerdiń tolqynyn mysalǵa keltirdi.
Sarapshynyń aitýynsha bul toptar óz mitingilerin jinaýǵa tyryspai, kerisinshe sheteldegi keibir adamdar qozdyryp otyrǵan mitingilerdi paidaǵa jaratýǵa tyrysqan. Bul degenimiz atalmysh toptardyń qoǵam qoldaýyn sezinbeitinin jáne sondyqtan olardy saiasi kúsh retinde baiypty qabyldaýǵa bolmaityndyǵyn bildiredi. Óitkeni olar ózdiginen áreket etpei, saiasi arandatýshylyqqa qatysqan adamdarǵa qosylady.
«Men azamattar óz pikirin bildirýge quqyly bolýy kerek dep sanaimyn. Jinalystarda, buqaralyq aqparat quraldarynda, áleýmettik jelilerde... Osyǵan qaramastan bul áreketterdiń keibirin shektep, tipti jolyn kesip otyrý kerek. EQYU nemese Eýropalyq parlamenttiń keibir sarapshysy buǵan kelispeýi múmkin. Biraq bul bizdiń memleketimiz. Biz oǵan jaýaptymyz. Birinshi kezekte bizdiń qoǵamnyń múddesin eskerý kerek», - deidi D.Áshimbaev.
