Qazaqstan Tuńǵysh Prezidentiniń baspasóz qyzmeti Elbasynyń kómekshisi, Ulttyq banktiń burynǵy basshysy Daniiar Aqyshevqa qarsy qylmystyq is qozǵalǵany týraly qaýesetti joqqa shyǵardy, dep habarlaidy Sputnik agenttigi.
"Daniiar Aqyshev – jumys ornynda, men ony óz kózimmen kórdim. Qylmystyq is qozǵalǵany týraly aqparat bizge kelip túsken joq", - dedi Qazaqstan tuńǵysh prezidentiniń baspasóz hatshysy Aidos Úkibai.
Buǵan deiin BAQ-ta Aqyshevtiń ústinen BJZQ-nyń London birjasynda satyp alǵan "Qazatomónerkásip" aktsiialaryna qatysty qylmystyq is qozǵalǵany týraly aqparat taraǵan edi.
Daniiar Aqyshev Ulttyq bankti 2015 jyldyń qarashasynan 2019 jyldyń aqpanyna deiin basqardy.
Keiin ol Qazaqstan Prezidentiniń keńesshisi bolyp taǵaiyndaldy.
2019 jyldyń 9 sáýirinen – Qazaqstannyń Tuńǵysh Prezidenti – Elbasynyń kómekshisi.
