Jyl basynan beri bankterdiń nesieler kólemi 313 mlrd teńgege ósti. Bul týraly búgin Parlament Májilisiniń jalpy otyrysynda Ulttyq bank tóraǵasy Daniiar Aqyshev málim etti, dep habarlaidy QazAqparat.
«Nesielik naryq qalpyna kelip jatyr. Jyl basynan beri bankterdiń nesieler kólemi 2,5 paiyzǵa nemese 313 mlrd teńgege ósip, 13 trln teńgeni qurady. Qaita qurylymdalyp jatqan jáne litsenziiasynan aiyrylǵan bankterdi qospaǵanda, ekonomikany nesieleýdiń jyldyq ósýi 11,6 paiyz, iaǵni 1,3 trln teńge boldy», - dedi Daniiar Aqyshev.
Osy oraida, ol aǵymdaǵy jyldyń 8 aiynda jańa nesie berý 28,1 paiyzǵa nemese 1,9 trln teńgege óskenin atap ótti.
«Kásiporyndarǵa teńgedegi nesieler boiynsha stavka jyl basyndaǵy 13,2 paiyzdan 2018 jylǵy tamyzda 12,2 paiyzǵa deiin tómendedi. Ulttyq banktiń aǵymdaǵy basymdyǵy - Memleket basshysynyń Qazaqstan halqyna Joldaýynda berilgen tapsyrmalaryn oryndaý. Biz Úkimet jáne banktermen birge ótimdilikti berý tetikterin jedel ázirleýge daiynbyz», - dep túidi Ulttyq bank tóraǵasy.
Aita keteiik, jalpy otyrysta «2018-2020 jyldarǵa arnalǵan respýblikalyq biýdjet týraly» QR Zańyna ózgerister men tolyqtyrýlar engizý týraly» zań jobasy talqylanyp jatyr.
Biylǵy jyly infliatsiia 5-7 paiyzdyq maqsatty dálizde qalady.
Sonymen qatar, jyl basynan beri valiýta naryǵynda teńge baǵamy 10,4 paiyzǵa álsiregeni belgili boldy.
