Az kúnderden soń sailaýaldy úgit-nasihat kezeńi de óz máresine jetedi. Kandidattar túrli dárejede nasihat jumystaryn júrgizip, úgit naýqanyn qyzdyra tústi. Búgin biz jeti úmitkerdiń ishindegi jalǵyz áiel kandidat Daniia Espaevanyń sailaýaldy úgit naýqanyna jiti nazar salýdy jón kórdik. Úmitkerdiń úgit kezinde júrip ótken jolyna sholý jasap, fotoreportaj túrinde oqyrman nazaryna usynamyz. Biz tek Daniia Espaevanyń ózi tikelei qatysqan kezdesýlerdi basty nazarǵa aldyq. Al, kandidattyń shtaby uiymdastyrǵan is-sharalar sany munymen shektelmeidi.
Daniia Espaeva óziniń sailaýaldy úgit naýqanyn elimizdegi iri naýbaihanalardyń biri Almatydaǵy «Aqsai-nan» JShS bastady. Memleket tarihyndaǵy tuńǵysh áiel-úmitker jáne Respýblikandyq shtabtyń jetekshisi Azat Perýashev bastaǵan onyń jaqtaýshylary kásiporyn ujymyna sailaýaldy baǵdarlamanyń basty tustaryn aityp ótti.
Daniia Espaeva odan keiin 400-ge jýyq qyzmetker jumys jasaityn «Temirbeton-1» JShS ujymymen kezdesti. «Temirbetonnyń» qyzmetkerleri «Aq jol» partiiasynan úmitkerdiń sailaýaldy baǵdarlamasymen tanysyp, qyzyqtyrǵan suraqtaryn qoidy.
12 mamyrda «Aq jol» partiiasynyń úmitkeri Azat Perýashev bastaǵan respýblikalyq shtab ókilderimen birge «Jibek joly» bazaryna bardy.
Kelesi kúni Daniia Espaevanyń sailaýaldy shtaby Taldyqorǵan qalasynda úgit-nasihat kezdesýlerin ótkizdi. Úmitkerdiń sailaýaldy baǵadarlamasymen akkýmýliator batareialaryn óndirýshi «Qainar-ABK» JShS zavodynyń qyzmetkerleri tanysty. Sailaýaldy shtab músheleri Taldyqorǵandaǵy áleýmettik nysandarǵa, onyń ishinde «Nur Avitseným» meditsinalyq ortalyǵyna bas suqty.
14 mamyrda Daniia Espaevanyń sailaýaldy shtaby Aqmola oblysynyń Ereimentaý aýdanynda úgit kezdesýin ótkizdi.
Kandidat Qostanai oblysyna da taban tiredi. Májilismenniń jumys sapary Altynsarin aýdanynan bastaldy. Sailaýshylarmen kezdesý «SaryarqaAvtoProm» jáne «Agromashholding» JShS-de ótti. Kezekti úgit kún Qostanai qalasyndaǵy M.Gorkii atyndaǵy mektep-gimnaziianyń qabyrǵasynda aiaqtaldy.
21 mamyr kúni Nur-Sultan qalasyndaǵy arnaiy ekonomikalyq aimaqtaǵy «Qazaqstan Paramaýnt Injiniring» JShS ujymymen kezdesti. Daniia Espaeva tsehtyń jumysymen tanysyp, otandyq kásiporyndy mazalaityn suraqtarǵa jaýap berdi.
Daniia Mádiqyzy óziniń kezekti saparynda Qaraǵandy óńirine at basyn burdy. Kezdesý barysynda qaraǵandylyq kásipkerler sailaýaldy baǵdarlamasymen tanysyp, óz oilaryn bólisti.
Budan keiin Shortandydaǵy úgit tobymen birge A.Baraev atyndaǵy astyq sharýashylyǵynyń ǵylymi-ónerkásip ortalyǵyna bardy.
24 mamyrda Daniia Espaeva Kókshetaý qalasynda «Qazaqstandyq Agro Innovatsiialyq Korporatsiia» JShS ujymymen kezdesti.
25 mamyrda Shymkent qalasynyń halqymen kezdesti. Is-sharaǵa sailaýaldy shtab músheleri, QR Májilis depýtattary jáne aimaqtyq shtab belsendileri qatysty.
Úmitker Daniia Espaeva men sailaýaldy shtab jetekshisi Azat Perýashev Nur-Sultan qalasyndaǵy gýmanitarlyq-zań kolledjinde jas sailaýshylarmen kezdesti. Oqytýshylar men stýdentter úmitkerdiń sailaýaldy baǵdarlamasymen tanysty.
Daniia Espaevanyń úgit toby kezekti kezdesýin Soltústik Qazaqstan oblysynda ótkizdi. Óziniń sailaýaldy baǵdarlamasyn úmitker Petropavl aýyr mashina jasaý zaýytynyń ujymyna tanystyrdy.
29 mamyr kúni kandidat Ekibastuz qalasynda boldy. Atalmysh qalada úmitkerdiń úgit toby jergilikti kásipker, energetik jáne áleýmettik saladaǵy jumyskerlermen kezdesti.
30 mamyr kúni ótken kezdesýde pavlodarlyq kásipkerleri Daniia Espaevaǵa biznes máseleleri týraly aitty. Aimaqtyq shtab «Aq jol» partiiasynan úmitker Daniia Espaevanyń qatysýymen úgit sharalaryn uiymdastyrdy.
31 mamyrda Daniia Espaevanyń shtaby «Alashqa taǵzym» aktsiiasyn ótkizdi. Partiia basshylyǵy, «Aq jol» partiiasynyń depýtattary, úmitkerdiń senimdi ókilderi «Alash» qairatkerleri men qýǵyn-súrginge ushyraǵan ata-babalarynyń portretterimen repressiia qurbandarynyń eskertkishine bardy.
QR Prezidenttigine úmitker D.M.Espaevanyń sailaý qorynyń qarajatynan tólendi
