Qyzylorda qalasyndaǵy Stýdentter saraiynda QR Prezidenttigine úmitker Daniia Espaevanyń respýblikalyq shtaby men «Aq jol» partiiasynyń Qyzylorda oblystyq filialy jiyn ótkizdi. Bul jóninde partiianyń baspasóz qyzmeti habarlady.
«Qazaqstan halqynyń rýhani-mádeni salasyn damytý» taqyrybyndaǵy dóńgelek ústelge «Aq jol» partiiasy tóraǵasynyń orynbasary, aqyn Qazybek Isa men partiia tóraǵasynyń orynbasary D.V. Vasilev qatysyp, sóz sóiledi.
Ashyq pikir alańy retinde ótken jiynǵa QR Prezidenttigine úmitker D. Espaevanyń aimaqtyq shtaby músheleri, BAQ ókilderi qatysty. Basqosýda Qyzylorda oblysynyń «Rýhani jańǵyrý» ortalyǵy jetekshisi, Qorqyt ata atyndaǵy QMÝ tarihshylary men oqytýshylary baiandama jasap, oi-pikirlerin bildirdi.
Dóńgelek ústelde «Aq jol» partiiasynyń «Rýxani jańǵyrý» baǵdarlamasy aiasynda atqarǵan isteri, ulttyq múddeniń qorǵalýy, memlekettik tildiń damýy, mádeniettiń máiekti máseleleri qozǵaldy. Bilim salasyndaǵy qordalanǵan máseleler de ótkir aityldy.
Jiynǵa Qazaqstandaǵy prezident sailaýyn xalyqaralyq baqylaýshylar toby da qatysty.
