«Aqjoldyq» úmitker Daniia Espaevanyń Qyzylorda aimaqtyq sailaýaldy shtabynyń músheleri Eýropadaǵy qaýipsizdik jáne yntymaqtastyq uiymynyń baqylaýshylarymen kezdesti. Bul týraly partiianyń baspasóz qyzmeti habarlady.
QR Prezidenttigine kandidat Daniia Espaevanyń Qyzylorda oblysy boiynsha sailaýaldy shtabyna kezekten tys prezident sailaýyn baqylaý missiiasymen EQYU/DIAQB ókilderi Monika Djambonini men Lev Tarskih keldi.
Olar oblystyq shtabtyń sailaýaldy jumysymen tanysty. Shtabtyń Qyzylorda oblysy boiynsha baqylaýshylary men sailaý komissiialaryndaǵy «Aq jol» partiiasynan sailanǵan komissiia músheleriniń sany týraly jáne aýdandardaǵy úilestirýshiler men júrgizilip jatqan úgit-nasihat jumystary týraly túrli suraqtar qoiyp, tolyqqandy jaýap aldy.
Kezdesý barysynda Monika Djambonini men Lev Tarskih Daniia Espaevaǵa saiasi dodada sáttilik tilep, estelik sýretke tústi.
