«Aq jol» partiiasy atynan prezident sailaýyna túsip jatqan Daniia Espaeva pavlodarlyq kásipkerlermen kezdesip, máselelerin tyńdady, dep habarlaidy partiianyń baspasóz qyzmeti.
Aimaqtyq shtab «Aq jol» partiiasynan úmitker Daniia Espaevanyń qatysýymen úgit sharalaryn uiymdastyrdy.
Daniia Espaeva «Tehnoprom teks» JShS, «Merýsar jáne K» birjolǵy meditsinalyq ónimder zaýytyna jáne «Qazenergokabel» kásipornyna bardy.
«Qazenergokabel» kásiporny Qazaqstandaǵy kabel-ótkizgish ónimderin jasaý boiynsha aldyńǵy qatarda. Munda kabel men ótkizgishtiń 15 myńnan asa túrin shyǵarylady. Ónim kólemi byltyr 18 mlrd teńgeni qurady.
Zaýytta ótken kezdesýde úmitker otandyq ónerkásiptiń problemalary barlyq óńirde birdei ekenin, memlekettiń shaǵyn jáne orta biznesti ǵana emes, úlken kompaniialarǵa da qoldaý kórsetý qajettigin aitty. Daniia Espaeva eńbek ujymyna óziniń sailaýaldy baǵdarlamasyn tanystyryp, onda usynylǵan birqatar sharalardy atap ótti. Jiyn barysynda zeinet jasy, baspanamen qamtamasyz etý syndy áleýmettik máseleler kóterildi.
Osyndai kezdesý «Merýsar jáne K» zaýytynda da ótti.
Sondai-aq, oblystyq kitaphanada Daniia Espaeva men respýblikalyq shtab jetekshisi Azat Perýashev jurtshylyqqa sailaýaldy baǵdarlamany tanystyrdy. Úmitker jinalǵandardyń suraqtaryna egjei-tegjeili jaýap berip, ótinishter nazarda ustaitynyn eskertti.
