Búgin Qazaqstan Prezidenttigine úmitker Daniia Espaeva QR Ortalyq sailaý komissiiasyna qujattaryn tapsyrdy, dep habarlaidy "Ult aqparat" OSK baspasóz qyzmetine silteme jasap.
QR Ortalyq sailaý komissiiasyna «Qazaqstan Respýblikasyndaǵy sailaý týraly» QR Konstitýtsiialyq zańynyń 55-babyna sáikes «Aq jol Qazaqstan demokratiialyq partiiasynyń» qoǵamdyq birlestigi QR Prezidenttigine kandidat retinde Daniia Mádiqyzy Espaevanyń qujattaryn usyndy.
Qujattardyń ishinde «Aq jol Qazaqstan demokratiialyq partiiasynyń» qoǵamdyq birlestigi joǵary organynyń QR Prezidenttigine kandidat usyný jónindegi otyrysynyń hattamasynan úzindi, Daniia Espaevanyń kandidat bolýǵa kelisimi, ómirbaiany, QR OSK shotyna sailaý jarnasyn aýdarǵanynyn kýálandyratyn qujat, jeke kýáligi, JOO diplomdarynyń kóshirmesi, memqyzmette tájiribesiniń tolyq ekenin rastaityn qujattar bar.
Úmitkerdiń memlekettik tildi erkin meńgergendigin anyqtaityn lingvistikalyq komissiiasynyń otyrysy 26 sáýirge belgilendi.
