«Aq jol» partiiasynan Prezidenttikke úmitker Daniia Espaevanyń sailaýaldy shtaby kezdesýin Qaraǵandy qalasynda ótkizdi, dep habarlaidy shtabtyń baspasóz qyzmeti.
«Aq jol» demokratiialyq partiiasy atynan prezidenttikke úmitker retinde usynylǵan Daniia Mádiqyzy óziniń kezekti saparynda Qaraǵandy óńirine at basyn burdy. Azat Perýashev bastaǵan is-sharaǵa Májilis depýtaty Erlan Barlybaev, partiia tóraǵasynyń orynbasary Dmitrii Vasilev qatysty.
Kezdesý barysynda qaraǵandylyq kásipkerler sailaýldy baǵdarlamasymen tanysyp, ózderiniń oilarymen bólisti. Qozǵalǵan taqyryptar: eldegi shaǵyn jáne orta biznesti damytý, kásipkerlikti qoldaý jáne salyqty azaitý máseleleri t.s.s.
Kásipkerler aimaqtaǵy jeke biznestiń ahýalyn aityp túsindirdi. Partiianyń Qaraǵandy oblystyq filialynyń deregine sáikes, byltyr memlekettik organdar tarapynan kórgen ákimshilik qysym, zańsyz tekserýler jáne basqa da quqyqbuzýshylyqtar týraly 800-dei kásipker shaǵymdanǵan eken.
«Osyndai jumys saparlary arqasynda biz nazar aýdararlyq ózekti máselelerdi bilemiz», - dep atap ótti Azat Perýashev.
«Aq jol» partiiasynan Prezidenttikke úmitker Daniia Espaevanyń sailaýaldy baǵdarlamasymen Qaraǵandy týrbomehanikalyq zaýyty da tanysty. Kásiporyn jylý elektrostantsiia qurylǵylaryn jóndeý, qosalqy jabdyqtaryn daiarlaý salasynda 25 jyldan astam ýaqyt jumys isteidi. Osy jyl aralyǵynda túrli qýattaǵy tórt júzdei týrbina jóndeýden ótti.
Zaýyt jumyskerlerimen kezdesý barysynda úmitker otandyq biznesti qoldaý, ishki naryqta qazaqstandyq kásiporyndarǵa basymdyq berý týraly óz oilarymen bólisti. «Sheteldik kompaniialardyń ózi qazaqstandyq shaǵyn jáne orta biznestiń qyzmetin paidalanýy tiis», - dedi Espaeva.
Sailaýaldy shtab músheleri kópshilikti mazalaǵan suraqtaryna jaýap berdi.
