Daniia biligi tromb paida bolýy múmkin degen qaýppen AstraZeneca vaktsinasyn qoldanýdan bas tartý týraly sheshim qabyldady. Ol vaktsinany halyqtyń barlyq toptaryna egýge tyiym salǵan Eýropadaǵy aǵashqy el boldy, dep habarlaidy BBC.
Daniia biligi málim etkendei, zertteýler nátijesinde atalmysh preparatpen vaktsina jasalǵannan keiin tromb paida bolýy jiiligi joǵary bolǵan. Daniiada AstraZeneca vaktsinasynyń barlyǵy 2,4 mln dozasy qoldanystan alynyp tastalady.
Daniia Densaýlyq saqtaý basqarmasynyń bastyǵy Soren Brostrem bul sheshim ońaiǵa soqpaǵanyn aita kelip, degenmen elde basqa da vaktsinalardyń bar ekenin, Daniiadaǵy epidemiianyń qazirgi kezde baqylaýda ekenin alǵa tartty.
«Vaktsinalaýǵa kezekte turǵan halyqtyń kelesi toptarynyń aýyr formada aýyrý qaýpi az. Olarǵa neniń qaýiptirek ekenin tarazylaý kerek. COVID-19 nemese az bolsa da, aýyr keri áser qaýpi bar AstraZeneca vaktsinasy», - dedi ol.
Osy jaǵdaiǵa bailanysty Daniiadaǵy vaktsinalaý baǵdarlamasy birneshe aptaǵa shegerilýi múmkin.
Aldyńǵy aptada Eýropalyq dári-dármek agenttigi (EMA) AstraZeneca vaktsinasynyń qan uiyǵy paida bolýymen múmkin bailanysy týraly habarlaǵan. Sonymen qatar COVID-19-dan qaitys bolý qaýpi kóbirek ekeni de aityldy. Eýropanyń birneshe eli bul vaktsinany paidalanýdy qysqa ýaqytqa toqtatyp, keiinnen ony tek joǵary jas sanatyndaǵy adamdardy vaktsinalaý úshin ǵana qaita qosty.
Sársenbi kúni AQSh, Kanada jáne Eýroodaq Johnson & Johnson farmatsevtikalyq kompaniiasy jasaǵan vaktsinany paidalanýdy toqtatty, munyń da sebebi – qan uiyǵynyń paida bolý qaýpimen bailanysty.
Olardan keiin Ońtústik Afrika eli de ońtústik afrikalyq shtamǵa jaqsy áser etetinine qaramastan, Johnson & Johnson vaktsinasynyń qoldanysynan bas tartty. Eki jaǵdaida da vatsinalaýdan keiin qan uiyǵynyń paida bolýy – sirek kezdesetin jaǵdai.
DDU EO-nyń vaktsinalaý baǵdarlamasyn synǵa aldy. Taǵy osyndai kezekti kidiris ári qarai alasapyranǵa ákelýi múmkin.
Búgingi kúni Daniiada millionǵa jýyq adam vaktsina aldy, olardyń 150 myńyna AstraZeneca vaktsinasy egildi. Odan bólek elde Pfizer/BioNtech jáne Moderna vaktsinalary qoldanysta.
