Olimpiada chempiony Daniiar Eleýsinovtyń jubaiy eki áieldi urdy degen kúdikke ilindi, dep habarlaidy ult.kz.
Qaraǵandyda eki turǵyn Olimpiada chempiony, boksshy Daniiar Eleýsinovtiń jubaiymen bolǵan janjalǵa qatysty politsiiaǵa aryzdandy.
Áielderdiń aitýynsha, boksshynyń jubaiy Maiqudyqtaǵy páterlerine kelip, atasyna qatysty másele boiynsha narazylyq bildirgen. Oqiǵa barysynda sózge kelip, olardyń biri shashynan tartyp, qol kótergenin aitty. Janjalǵa áieldiń atasy da aralasqan.
Eki tarap ta quqyq qorǵaý organdaryna júgingen. Alaida boksshynyń jubaiy ózine taǵylǵan aiyptaýlardy joqqa shyǵaryp, bul oqiǵa sportshynyń atyn paidalanyp nazar aýdartýǵa baǵyttalǵan bolýy múmkin ekenin málimdedi.
Qaraǵandy oblysy politsiiasy sotqa deiingi tergeý bastalǵanyn, tiisti saraptamalar taǵaiyndalǵanyn habarlady.
