Danial Ahmetov kelesi aidyń basynda Shyǵys Qazaqstanǵa qarasty barlyq qalalar men aýdandarda «Nurly jol» baǵdarlamasynyń qandai deńgeide júzege asyrylyp jatqanyn tekseretin boldy, dep habarlaidy "Ult aqparat".
ShQO ákiminiń baspasóz qyzmetiniń aqparatyna sáikes, óńir basshysy áleýmettik mańyzy bar nysandar men infraqulymdarǵa bólingen qarajattyń igerilýin teksergen.
Qarajattyń ýaqtyly igerilýi jaǵynan Ulan aýdanynyń Mamai batyr aýylyndaǵy sý tartý júiesin jóndeý jumystary josparly kesteden keshigip jatqany anyqtaldy. Alǵashqy qarjy ótken jyldyń kúzinde bólingenimen, jumysty aiaqtaý úshin aqsha bólý keiinge qaldyrylǵan. Ákim jospardy qaita qarap, jobany jeltoqsanǵa jetkizbei qazan aiynda aiaqtaýdy tapsyrdy. Sonymen birge, Úrjar aýdanyndaǵy kásiporyndardyń birindegi óndiris bazasy men elektr júiesiniń qurylys jobasynyń aiaqtalý ýaqyty ózgertiletin boldy.
- Qurylys jáne montajdaý jumysynyń mólsherine ár ákim jeke jaýap beretin bolady. Shilde aiynyń bas sheninde «Nurly jol» baǵdarlamasynyń qalai júzege asyrylyp jatqany týraly barlyq ákimderdiń baiandamasyn tyńdaityn bolamyn, - dedi Danial Ahmetov.
