Búgin oblys ákimi Danial Ahmetov jetekshilik etetin komissiia Zaisan aýdanynda eki topqa bólinip jumys júrgizdi, dep habarlaidy "Ult aqparat" Shyǵys Qazaqstan oblysynyń aqparat ortalyǵyna silteme jasap.
Búgin oblys ákimi jetekshilik etetin komissiia eki topqa bólinip jumys júrgizdi. Danial Ahmetov bastaǵan bir top Maiqapshaǵai keden beketine baryp, Qytaimen aradaǵy shekaranyń jabyq ekenine kóz jetkizdi.
Al komissiianyń ekinshi toby jol qurylysymen ainalysatyn qytailyq kompaniianyń 8, 10-ýchaskesinde boldy. Mundaǵy qytai jumysshylarynyń vizalaryn tekserdi. Olardyń barlyǵy da Qazaqstan aýmaǵyna byltyr, iaǵni koronavirýs shyqpai turǵan kezde kirgenderi belgili boldy.
Sonymen qatar, oblys ákimi Zaisandaǵy Á.Moldaǵulova kóshesiniń turǵyndarymen kezdesip, úilerge gaz tartý máselesin qarastyrdy. Halyqtyń máselesine qulaq asqan óńir basshysy kóshege gaz qubyryn tartýǵa biýdjetten 100 mln teńge qarajat qarastyrýdy tapsyrdy.
Eske sala keteiik, buǵan deiin oblys ákimdigi Zaisan aýdanyndaǵy aýrýhanalarǵa koronavirýs juqtyrǵan Qytai azamattary jatqyzylady degen aqparattyń jalǵan ekenin málimdegen edi.
«Qytaimen eki aradaǵy shekara jabyldy. Al sol elden kelgen bizdiń 5 azamatymyz oqshaýlanyp, karantinge jatqyzylady», - dedi Danial Ahmetov.
Densaýlyq saqtaý ministri Eljan Birtanov ta Zaisandaǵy jaǵdaiǵa qatysty pikir bildirdi.
