بٷگٸن وبلىس ەكٸمٸ دانيال احمەتوۆ جەتەكشٸلٸك ەتەتٸن كوميسسييا زايسان اۋدانىندا ەكٸ توپقا بٶلٸنٸپ جۇمىس جٷرگٸزدٸ, دەپ حابارلايدى "ۇلت اقپارات" شىعىس قازاقستان وبلىسىنىڭ اقپارات ورتالىعىنا سٸلتەمە جاساپ.
بٷگٸن وبلىس ەكٸمٸ جەتەكشٸلٸك ەتەتٸن كوميسسييا ەكٸ توپقا بٶلٸنٸپ جۇمىس جٷرگٸزدٸ. دانيال احمەتوۆ باستاعان بٸر توپ مايقاپشاعاي كەدەن بەكەتٸنە بارىپ, قىتايمەن اراداعى شەكارانىڭ جابىق ەكەنٸنە كٶز جەتكٸزدٸ.
ال كوميسسييانىڭ ەكٸنشٸ توبى جول قۇرىلىسىمەن اينالىساتىن قىتايلىق كومپانييانىڭ 8, 10-ۋچاسكەسٸندە بولدى. مۇنداعى قىتاي جۇمىسشىلارىنىڭ ۆيزالارىن تەكسەردٸ. ولاردىڭ بارلىعى دا قازاقستان اۋماعىنا بىلتىر, ياعني كوروناۆيرۋس شىقپاي تۇرعان كەزدە كٸرگەندەرٸ بەلگٸلٸ بولدى.
سونىمەن قاتار, وبلىس ەكٸمٸ زايسانداعى ە.مولداعۇلوۆا كٶشەسٸنٸڭ تۇرعىندارىمەن كەزدەسٸپ, ٷيلەرگە گاز تارتۋ مەسەلەسٸن قاراستىردى. حالىقتىڭ مەسەلەسٸنە قۇلاق اسقان ٶڭٸر باسشىسى كٶشەگە گاز قۇبىرىن تارتۋعا بيۋدجەتتەن 100 ملن تەڭگە قاراجات قاراستىرۋدى تاپسىردى.
ەسكە سالا كەتەيٸك, بۇعان دەيٸن وبلىس ەكٸمدٸگٸ زايسان اۋدانىنداعى اۋرۋحانالارعا كوروناۆيرۋس جۇقتىرعان قىتاي ازاماتتارى جاتقىزىلادى دەگەن اقپاراتتىڭ جالعان ەكەنٸن مەلٸمدەگەن ەدٸ.
«قىتايمەن ەكٸ اراداعى شەكارا جابىلدى. ال سول ەلدەن كەلگەن بٸزدٸڭ 5 ازاماتىمىز وقشاۋلانىپ, كارانتينگە جاتقىزىلادى», - دەدٸ دانيال احمەتوۆ.
دەنساۋلىق ساقتاۋ مينيسترٸ ەلجان بٸرتانوۆ تا زايسانداعى جاعدايعا قاتىستى پٸكٸر بٸلدٸردٸ.
