Qazaqstandyq jas ánshi Daneliia Tóleshova Eurovision Junior balalar baiqaýyna daiyndyqty bastap ketti, dep habarlaidy "Ult aqparat".
10 jastaǵy jas ánshiniń kún tártibinde bos ýaqyt az. Oǵan endi kún saiyn óziniń vokaldyq qabiletin ushtaýdan bólek, túsirilimderge qatysýǵa týra keledi.
Baiqaý sharttarynyń biri kompozitsiiaǵa beinerolik túsirý bolǵandyqtan. «Ózińe sen/Seize the time» kompozitsiiasyn túsirýge Qazaqstannyń ǵajap oryndarynyń biri - Sharyn shatqaly tańdaldy.
«Biz munda otbasymyzben jii demalysqa kelemiz. Baiqaýdaǵy qarsylastarym meniń osyndai ǵajap Otanym baryn kórýi tiis. Meniń oiymsha, Sharyn shatqaly ánimniń taqyrybyn tolyq ashyp turǵandai», - dedi ánshi.
Esterińizge sala keteiik, jas ónerpaz baiqaýdyń ulttyq kezeńin jeńip alǵan bolatyn.
