Dana Júnisova QR Ulttyq ekonomika vitse-ministri bolyp taǵaiyndaldy, - dep habarlaidy "Ult aqparat" Premer-ministrdiń resmi saityna silteme jasap.
QR Úkimetiniń Qaýlysymen Dana Beisenqyzy Júnisova ulttyq ekonomika vitse-ministri qyzmetine taǵaiyndaldy. Buǵan deiin vitse-ministr laýazymynda Baýyrjan Bekeshev bolǵan edi, ol basqa jumysqa aýysýyna orai qyzmetinen bosatyldy.
Dana Júnisova 1985 jyly mamyr aiynda Tselinograd qalasynda dúniege kelgen. 2006 jyly T. Rysqulov atyndaǵy Qazaq ekonomikalyq ýniversitetin támamdaǵan. Mamandyǵy boiynsha — ekonomist.
Eńbek jolyn 2003 jyly bastaǵan.
2003–2011 jyldary «QTJ» UK» AQ, «Astana–Finans» AQ, «2011 jylǵy 7-qysqy Aziia oiyndaryn uiymdastyrý komitetiniń atqarýshy direktsiiasy» AQ jumys istegen.
2012–2013 jyldary — «Qulager QK» JShS Jobalardy basqarý departamentiniń menedjeri, «Atameken» Odaǵy» QUEP Tarif qalyptastyrý departamenti direktorynyń orynbasary.
2013 jylǵy qazan aiynan bastap qazirgi tańǵa deiin «Atameken» QR UKP Basqarma Tóraǵasynyń orynbasary qyzmetin atqarǵan.
