Prezident Qasym-Jomart Kemeluly Toqaevtyń halyqqa joldaýyn tarihi qujat dep aitýǵa bolady. Bul - san salany qamtyǵan, saralanǵan salmaqty strategiialyq jospar.
Búgingi halyqaralyq geosaiasi shielenister men óz elimizdegi ishki túitkilder kez kelgen adamdy abdyraityndai, qobaljityndai jaǵdaiǵa túsiredi. Alaida, kósh bastaityn tulǵanyń ondai kúige túsýge haqy joq. Jolynan taimaityn, naqty jospary bar adam ǵana syrtqy jaǵdaidy elemei, óz traektoriiasynan aýytqymaidy. Biz dál sondai adamnyń qolynan shyqqan jospardy kórdik.
«Kúshti Prezident, yqpaldy Parlament, halyqqa esep beretin Úkimet» - bul 2019 jyly Prezidenttik sailaýǵa túsken kandidat Toqaevtyń saiasi tuǵyrnamasy bolatyn. Qasym-Jomart Kemeluly sol aitqanynan búgin de jańylmady.
Prezident endigi jerde eshqandai partiiany basqarmaidy, múshe de bolmaidy. Ákimder jergilikti basqarý organdarynyń bas menedjeleri ǵana bolady.
Azamattyq ustanymy bekem, belsendi árbir qazaqstandyq azamat parlamenttik sailaýǵa túsip, memlekettiń órkendeýine úles qosýyna quqyǵy bar.
Májilis pen Senattyń róli qaita qaraldy. Proportsialdy jáne majoritarly júie qatar júredi.
Azamattyq qoǵamnyń róli kúsheiip, qoǵamdyq uiymdar men bilik ókilderi birge bas qosyp, ulttyq jobalardy ashyq platformalarda talqylaityn bolady.
Ákimshilik-aýmaqtyq quralymdardaǵy ózgeris, aýmaq ataýlarynyń ózi jer iesi – memleket quraýshy ult ekenin aiqyndai tústi. Osylaisha, Semei qalasy - Abai oblysynyń ortalyǵy, Jezqazǵan Ulytaý oblysynyń ortalyǵy boldy.
Búgingi Almaty oblysy ekige bólinip, bir jaǵy - ortalyq qalasy Taldyqorǵan bolatyn Jetisý oblysy, ekinshi jaǵy Qapshaǵaida ornalasqan ortalyǵy bar Almaty oblysy dep ataldy.
Prezident «Halyq bastama kóterse, Qapshaǵaidy Qonaev qalasy dep ózgertýge daiynmyn» dedi. Saiyp kelgende, Qasym-Jomart Kemeluly «Men halqymnyń búgin baqytty bolǵanyn» qalaimyn dedi.
Mine, osy sózinen shyǵady, ol jaqyn arada memlekettik basqarý júiesin debiýrokratizatsiialaý Jarlyǵyna qol qoiady.
Bul memlekettik basqarý apparatynyń zamanǵa sai jyldam qozǵalýǵa áser etetin qujat bolmaq.
Biz onsyz da kóp ýaqyt joǵalttyq. Barrikadalarǵa shaqyratyn politikandardyń sózi júrmeý kerek búginde! Búgin Qazaqstanǵa sóz emes, is kerek!
Dana NURJIGITOVA,
Senat depýtaty
