Senat depýtaty Dana Nurjigit otandyq televiziiadaǵy keibir baǵdarlamalar ulttyq ustanymdarymyzǵa qaishy dep esepteidi. Bul týraly Parlament ókili Úkimet basshysyna joldaǵan saýalynda aitty, dep habarlaidy "Ult aqparat".
Depýtattyń aitýynsha, búgingi televiziialyq kontenttiń kórermen eń kóp qaraityn ýaqyty – praim-taimda (18:00 – 24:00) ulttyq sanaǵa soqqy bolatyn, halyqtyń ar namysyna tietin taqyryptarǵa arnalyp otyr. Depýtat reiting kóterýge baǵyttalǵan sensatsiialyq taqyryptarǵa arnalǵan tok-shoýlar ideologiiany nasihattaý úshin jumys istemeidi degen pikirde.
«Qazaqstannyń aqparat salasyndaǵy zańnamasynda telearnalardyń basty qaǵidaty bolýǵa tiisti «ulttyq qundylyqtardy saqtaý», «dáripteý», «nasihattaý» degen uǵym-túsinik joq. Biz otandyq arnalardyń barlyq ielerinen efirde kórsetiletin kez kelgen kontenttiń ulttyq qundylyqtar qaǵidasyna negizdelýin talap etpeiinshe qoǵamdaǵy rýhaniiat deńgeii kóterilmeidi. Halyqaralyq tájiribeni zerdelei otyryp, Qazaqstan Respýblikasynyń Úkimetinen zańnamada joǵaryda atalǵan talapty kózdeitin normalardy qarastyrýdy jáne tiisti zańnamalyq aktilerge qajetti ózgerister men tolyqtyrýlar engizý máselesin qarastyrýdy suraimyn», - deidi senator.
