Joǵarǵy sot Marat Áitenovtiń burynǵy áieli Dana Áteshovanyń burynǵy kúieýi bala-shaǵasymen súirep qýyp shyqqan úidi erli-zaiyptynyń ortaq menshigi dep taný týraly ótinishin qarady. Qujat sot kabinetine jariialanǵan, dep habarlaidy "Ult aqparat" Stan.kz aqparat agenttigine silteme jasap.
Dana Áteshovanyń sózinshe, úi iesi retinde qazir Marat Áitenovtiń dosy tirkelgen, sondyqtan birneshe jyl boiy múlikti bólý esh nátije bermegen.
Áteshova úi neke kezinde erli-zaiyptynyń ortaq qarajatyna satyp alynǵanyn aitady. Alaida Astana qalasynyń azamattyq ister jónindegi aýdanaralyq soty men azamattyq ister jónindegi sot alqasy bul málimdemelerdi moiyndamady.
Joǵarǵy sottyń sýdiasy Qýanyshbaeva da istiń barlyq materialdaryn zerdelei kele, múlik Marat Áitenov pen Dana Áteshovanyń nekesine deiin alynǵanyn anyqtap, Áteshovanyń ótinishin qaraýdan bas tartty.
Eske salaiyq, Dana Áteshova 12 shilde kúni burynǵy kúieýi men onyń adamdary tártip saqshylarymen ózin úiden kúshtep, qýyp shyqpaq bolǵanyn aitty. Áteshova burynǵy kúieýi Marat Áitenovtiń ústinen birneshe ret shaǵymdanǵan. Ol – Shymkent qalasynyń burynǵy ákiminiń aǵasy. Sondai-aq Dana Áteshova prezidentten kómek suraǵan edi.
Buǵan deiin Marat Áitenovtyń 5 táýlikke qamaýǵa alynǵany týraly jazǵan edik. Al 2 tamyzda sot Marat Áitenovti burynǵy áielin uryp-soqqany úshin 12 táýlikke qamaýǵa alý týraly úkim shyǵardy.
