Damyǵan memleketter de koronavirýstyń enýinen qorǵanysqa tolyq kepildik bere almaidy. Bul týraly Qazaqstan Prezidenti Qasym-Jomart Toqaev informburo.kz aqparattyq-saraptamalyq portalyna bergen ekskliýzivti suhbatynda aitty, dep habarlaidy "Ult aqparat".
«Biz jaǵdaidy baqylaýda ustaýǵa tyrysamyz. Ókinishke orai, eshkim, tipti damyǵan memleketter de virýstyń enýinen qorǵanysqa tolyq kepildik bere almaidy. Degenmen, der ýaqytynda qabyldanǵan sharalar oń nátijesin berip otyr. Búgingi kúngi jaǵdaiǵa sáikes, Qazaqstanda juqtyrý oqiǵalary tirkelgen joq. Úkimetke azamattardyń densaýlyǵyn qorǵaý úshin eń batyl, jan-jaqty sharalar qabyldaý tapsyryldy. Asyra siltemei ári dúrbeleńsiz», - dedi QR Prezidenti.
Memleket basshysynyń aitýynsha, koronavirýs álem boiynsha óte joǵary jyldamdyqpen ári qaýipti aýqymda taralyp jatyr. Sondyqtan bul da eskerilýde.
«Eger tendentsiia osy qalpynda qalatyn bolsa, onda kóp adamdar qatysatyn sharalardy, onyń ishinde halyqaralyq forýmdardy basqa ýaqytqa aýystyrýǵa nemese boldyrmaýǵa týra keledi. Tarih indettiń bilik pen azamattardyń batyl áreketterinen «qaýiptenetindigin« kórsetip otyr», - dedi Qasym-Jomart Toqaev.
