Qazaqstan Respýblikasynyń Premer-Ministrimen kelisim boiynsha «Báiterek» ulttyq basqarýshy holdingi» AQ basqarmasynyń sheshimimen Abai Sarqulov «Damý» kásipkerlikti damytý qory» AQ-nyń basqarma tóraǵasy bolyp taǵaiyndaldy. Bul týraly atalǵan qordyń baspasóz qyzmeti habarlady.
Abai Sarqulovtyń qarjy salasynda 13 jyldyq jumys tájiribesi bar. «Báiterek» holdingi kompaniiasynyń tobynda 2008 jyldan qyzmet etýde. Eńbek jolyn infraqurylymdyq jobalarǵa kredit berýdi basqarý menedjerinen bastaǵan ol sońǵy ýaqytta «Qazaqstannyń damý banki» AQ basqarma tóraǵasynyń orynbasary laýazymyn atqarǵan. Q.Jubanov atyndaǵy Aqtóbe Memlekettik ýniversitetin aiaqtaǵan.
«Báiterek» holdingisiniń enshiles uiymy «Damý» kásipkerlikti damytý qory» AQ-nyń missiiasy - qarjy institýttarynyń aýqymdy spektoryn jáne biznesti damytý baǵdarlamalaryn qamtityn keshendi qoldaý arqyly Qazaqstannyń shaǵyn jáne orta biznesin sapaly damytýǵa yqpal etý.
