UFC-de óner kórsetetin qazaq sportshysy Damir Ysmaǵulov kelesi jekpe-jegi qashan ótýi múmkin ekenin aitty, dep habarlaidy "Ult aqparat".
«Baqytyma orai alǵan jaraqatym tolyqtai jazylyp, qaita qalpyma keldi. Endi bir aptadan keiin tolyqqandy jattyǵýǵa kirisýge daiyn bolamyn. Menedjerimnen kelesi jekpe-jekke qashan shyǵa alatynymdy suraǵan edim. Jekpe-jekke shyǵý úshin salmaqty týrnirlerdiń birin kútip otyrmyz», - dedi ol Ortalyq kommýnikatsiialar qyzmetindegi baspasóz máslihatynan keiin QazAqparat tilshisine bergen suhbatynda.
Sonymen qatar ol aldaǵy jekpe-jegi shamamen qai ýaqytta bolýy múmkin ekenin de aityp berdi.
«Menińshe, bir aidyń ishinde, shamamen aqpanda UFC-degi kelesi, iaǵni tórtinshi jekpe-jegime qatysty máseleler anyqtalady. Al ózim kóktemge dep josparlap otyrmyn. Qarsylasym úzdik TOP-15-ke kiretin sportshy bolmaq. Tóbeleskim keletin sportshylar bar. Jalpy men kimmen jekpe-jekke shyqqym keletinin jii aityp qoiamyn da, keiin ol bolmai qalyp jatady. Sondyqtan aldyn ala aitýdy doǵardym. Jekpe-jek bolsa óte jaqsy. Bolmasa kútýge týra keledi», - dedi Damir Ysmaǵulov.
