Kóje – bizdiń ulttyq taǵamymyz. Ol keler jylǵy molshylyq, berekeniń belgisi retinde naýryz toiynda árbir shańyraqta mindetti túrde ázirlenedi. Kóbine jeti túrli dám qosylýyna Túrki halyqtarynyń uǵymynda jeti sanynyń qasietti sanalýy sebep. Oǵan qosa, ol — toqshylyq pen yrys quttyń joralǵysy. Tómende naýryz kójeniń daiarlaný úlgisin usynyp otyrmyz.
Naýryz kójeniń quramy:
0,5 kg jylqy eti, 2,5lit sý, 100 gramm bidai, 100 gramm kúrish, 100 gramm jarma, 100g tary, tuz, airan - 1 staqan.
Naýryz kójeni daiyndaý ádisi:
Etti jýyp, qazanǵa sýǵa salamyz. Sý bir qainaǵanda kóbigin alyp, tuzdaimyz. Et piskenshe otyn basyp qoiamyz. Kúrish, bidai, jarma taryny qosyp, pisiremiz. Barlyǵy pisken soń airandy quiyp jaqsylap aralastyramyz.
Aita keteiik, naýryz kóje tek bir ádispen ázirlenbeidi. Ár ólkede ár túrli daiarlanady.
