Dalanews/DALA INSIDE redaktsiiasynyń táýelsiz jýrnalisteri atynan QR Bas prokýrory B.Asylovqa, QR Mádeniet jáne aqparat ministri A.Balaevaǵa, IIM ministri E.Sádenovke, "Ádil Sóz" Halyqaralyq sóz bostandyǵyn qorǵaý Qoryna, Qazaqstan jýrnalister Odaǵyna, Qazaqstan Transparensi qoryna, Internews-ke, barlyq aqparat quraldary men jýrnalisterge
Ókinishke orai, Qazaqstanda sóz bostandyǵynyń jaǵdaiy nasharlap barady.
Dalanews jáne DALA INSIDE redaktsiialarynyń táýelsiz jýrnalisteri osy Úndeý aiasynda "G-Park" qurylys kompaniiasy jáne onyń basshysy Ǵabit Satmaǵambetov týraly materialdar jariialanǵannan keiin qysymǵa tap bolǵanymyzdy habarlaimyz jáne mundai jaǵdaiǵa alańdaýshylyq bildiremiz. "G-Park" týraly alǵashqy materialdardan bastap, bizdi jaýapkershilikke tartqan oqiǵalar hronologiiasyn egjei-tegjeili baiandai otyryp, úkimettik, halyqaralyq uiymdardyń qoldaýyn suraimyz.
DALA INSIDE "G-Park" qurylys kompaniiasynyń basshysy Ǵabit Satmaǵambetov ashýyna qalai tidi?
Astana qalasynyń ákimi Jeńis Qasymbektiń 2023 jylǵy 22 jeltoqsandaǵy «G-Park kompaniiasyna jańa nysandardyń qurylysyn bastaýǵa tyiym salý» týraly barlyq BAQ-ta taratylǵan jariia málimdemesi, eks ákim Altai Kólginov otstavkaǵa ketkennen keiin qurylys kompaniiasynda problemalar bastalǵandyǵyn, burynǵy politsiia qyzmetkeri Ǵ.Sátmaǵambetovtiń jaǵdaiy máz emes tujyrymdy rastai tústi. Sebebi, aldymen "G-Gark" JShS "Jeneva" MJK nysany boiynsha boiynsha josyqsyz qurylys salýshylar tizimine engizildi. Al odan keiin ruqsat qujattary joq TK qurylysyna qatysty janjaldar, 2023 jylǵy tamyzda keńsede úleskerlerdiń mitingileri oryn aldy.
Buǵan deiin Astanada qurylys kompaniialarynyń basshylary qashyp, zardap shekken úleskerlerdiń quqyqtary memleket tarapynan birneshe ret qorǵalǵandyqtan, olardyń mindettemeleri tiisinshe salyq tóleýshilerdiń qaltasynan, el biýdjetinen jabyldy. Buqaralyq aqparat quraldarynda jeke qurylys kompaniiasynyń kapitalyn nemese biznesin qorǵasyn degen esh mindetteme joq. Jýrnalister ózderiniń kásibi boryshyna bailanysty tek qana azamattardy, úleskerlerdi jáne memleketti aldaǵy táýekelder týraly eskertýge mindetti. Sondyqtan mundai kúrdeli máselelerdi ýaqtyly anyqtaý jáne jariialaý kóbinese úleskerlerdiń quqyqtaryn jappai buzýdy toqtatýǵa jáne aldyn alýǵa múmkindik beredi. Bizdiń redaktsiianyń qyzmeti dál osy maqsatqa baǵyttalǵan.
2023 jyldyń 25 jeltoqsanynda DALA INSIDE telegram arnasynda "Qýat" oqiǵasy qaitalanady. "G-Park" qurylys kompaniiasynyń basshysy Ǵabit Satmaǵambetov Dýbaida jasyrynýǵa kóshti" taqyrybymen material jariialandy.
Atalǵan material shyqqannan keiin "G-Park" basshysy Ǵabit Satmaǵambetov óziniń Instagram paraqshasynda Astanada ekendigin jariialap, redaktsiiaǵa bizdiń jariialanymdy joqqa shyǵarý týraly talap jiberdi. Osydan keiin, 2023 jyldyń 28 jeltoqsanynda DALA INSIDE Ǵabit Satmaǵambetovtyń Astanada ekendigi týraly aqparatyna silteme jasai otyryp, aldyńǵy materialdy teriske shyǵarady.
Iaǵni,jariialanǵan aqparat jedel túrde teriske shyǵarylyp, eski post alynyp tastalǵannan keiin,másele sol jerde joiyldy dep eseptedik. Alaida Satmaǵambetov myrza joq jerden "tyrnaq astynan kir izdeýdi" jalǵastyrdy.
2024 jyldyń 4 qańtarynda ol Astana qalasynyń politsiia departamentine aryz jazdy. Ol jýrnalisterdiń negizsiz shabýylyna ushyrap, Dýbaiǵa barmaǵandyǵyn alǵa tartady. Biz alǵashqy materialdy teriske shyǵaryp, alyp tastasaq ta, politsiia Ǵabit Satmaǵambetovten aryzdy dereý qabyldady. Jáne 2024 jyldyń 5 qańtarynda Astana qalasy politsiia Departamentiniń tergeý basqarmasynyń tergeýshisi bizdiń materialymyz ben 365info.kz basylymdaǵy áriptesterimizdiń materialyn qarap shyqty. Bul aqparattyń bastapqy derekkózi bizdiń material bolǵan. Bizdi osy qylmystyq is boiynsha politsiia qyzmetkerleriniń jyldamdyǵy tań qaldyrdy. Mundai jyldam reaktsiia is júzinde jii bola bermeitin qubylys.
Osydan keiin Astana qalasy politsiia Departamentiniń jedel tergeý basqarmasy 365info.kz jáne DALA INSIDE redaktsiia qyzmetkerlerinen jaýap alý úshin olardy Almaty men Astana qalasynan shaqyra bastady. BAQ týraly Zańnyń 20-babyna qaramastan, tergeýshiniń negizgi maqsaty jýrnalisterdi daýly qurylys kompaniiasy týraly aqparatty qai derekkózden alǵanyn ashýǵa májbúrleý boldy.
Qazirgi ýaqytta bizdiń redaktsiiamyzdyń jýrnalisterin tintý, keńse tehnikasyn alyp qoiý jáne qamaýǵa alýǵa sanktsiia berý qaýpi bar. Astana qalalyq Politsiia departamentiniń tergeý basqarmasy naqty kúdiktiniń joqtyǵyna jáne bizdiń aqparatty jariia etpeý týraly esh qujatqa qol qoimaǵanymyzǵa qaramastan, atalǵan is týraly aqparattyń ashylǵany úshin jaýapkershilik bolatynyn qaita-qaita eskertýge tyrysty.
Biz ózimizdiń durystyǵymyzǵa jáne aqparatymyzdy berý tásiline senimdimiz. Sondyqtan sotta óz pozitsiiamyzdy sońyna deiin qorǵaimyz jáne adal, kásibi jýrnalistika quqyq qorǵaý organynyń burynǵy qyzmetkeri, G-Park biznesin ustaýshy Ǵ.Satmaǵambetovtyń ambitsiiasynan, onyń bailanystarynan da joǵary ekenin dáleldeimiz.
Ol óz biznesiniń problemalarynan alshaqtap shetelge ketti degen sózge renjidi. Al bul qurylys kompaniiasyna sengen úleskerleriniń taǵdyry qalai bolmaq? Biz olardyń zańdy quqyqtary men múddelerin qorǵai alamyz ba? Biz bul suraqtarǵa artynan jaýap alatyn bolamyz. Óitkeni úleskerlerdiń mitingileri men qurylysqa tyiym salynǵanyna qaramastan, Satmaǵambetov turaqty túrde álem boiynsha saiahattaýdy jalǵastyrýda jáne kóptegen elderge baryp úlgerdi. Osydan keiin, ol shetelden shyqpasa, biznestiń problemalarynan alshaqtady dep qalai aita almaimyz?
Óz kezeginde Dalanews, DALA INSIDE jáne "Qala men Dala" gazetiniń quryltaishysy óz jumysyn atqarǵan redaktsiia jýrnalisterin aiaǵyna deiin qorǵaýǵa nietti.
Biz "Ádil Sóz" Halyqaralyq sóz bostandyǵyn qorǵaý qoryna jáne Qazaqstan Jýrnalister Odaǵyna jáne joǵaryda atalǵan barlyq laýazymdy tulǵalarǵa júginemiz jáne qurylys sektorynda týyndaýy múmkin problemalardyń aldyn alýǵa, Qazaqstan halqynyń múddesin birinshi kezekke qoia otyryp jumys istep jatqan jýrnalister men BAQ-qa qysym jasaý faktisine nazar aýdarýdy suraimyz. Biz qazir Ǵabit Sátmaǵambetov biznesindegi barlyq yqtimal benefitsiarlardy ashý, Qazaqstannan zańsyz syrtqa qarjy shyǵarýdyń yqtimal joldaryn zertteý, kompaniiadaǵy baǵa qurylymy, qurylysqa ruqsat berý qujattary men jer ýchaskelerin alý rásimderine qatysty zertteý jumysymyzdy odan ári jalǵastyramyz.
Qalai bolǵanda da, "G-Park" pen DALA INSIDE ashyq sotta kezdesedi.
