© AP Photo / Hassan Ammar
Ulttyq qaýipsizdik komiteti Ulytaý óńiri turǵyndarynyń birine qatysty terrorizmdi nasihattap, dini alaýyzdyqty qozdyrý men lańkestik toptyń áreketine qatysý faktisi boiynsha qylmystyq isti tergeýdi aiaqtady, dep habarlaidy "Ult aqparat" UQK baspasóz qyzmetine silteme jasap.
Vedomstvo málimetinshe, Ulytaý oblysy Sátbaev aýdandyq soty ony osy qylmystardy jasaǵany úshin kináli dep tanyp, 6 jylǵa bas bostandyǵynan aiyrdy.
"Tergeý sottalýshynyń 2016 jyly otbasymen birge Siriiaǵa baryp, onda «DAISh» (Qazaqstanda tyiym salynǵan) quramynda bolǵanyn anyqtady.
Qabyldanǵan sharalardyń nátijesinde sodyrdyń shetelde júrgen jeri anyqtalyp, sodan soń sheteldik seriktesterdiń kómegimen ony ustaýǵa jáne 2023 jyldyń maýsym aiynda UQK jasaǵymen Qazaqstanǵa jetkizilýine múmkindik týdy.
2023 jylǵy 22 qyrkúiekte úkim zańdy kúshine endi" - delingen habarlamada.
DAISh* - Qazaqstanda jáne basqa elderde tyiym salynǵan terroristik uiym
