Sýret: TASS
Derbent pen Mahachkalada belgisiz adamdar eki pravoslavie shirkeýine, sinagoga men jol politsiiasy beketine shabýyl jasady. Eki sodyrdyń kózi joiyldy, dep habarlaidy TASS.
«Derbent pen Mahachkalada eki pravoslavie shirkeýi, sinagoga men jol politsiiasy beketine shabýyl jasaldy», — dep jazdy terrorizmge qarsy ulttyq komitet.
«Derbenttegi dini qyzmetker men Mahachkalada shirkeý kúzetshisi qaza tapty», — dep málimdedi Daǵystannyń Qoǵamdyq baqylaý komissiiasynyń tóraǵasy Shamil Hadýlaev.
Mahachkalada belgisiz bireýler Ermoshkin kóshesindegi jol politsiiasy beketine oq jaýdyrǵan.
«Aldyn ala málimet boiynsha, alty politsiia qyzmetkeri qaza taýyp, 12-si jaralandy», — dep jazdy Daǵystan ishki ister ministrliginen.
Mahachkalada qaqtyǵys jalǵasýda, politsiianyń patrýldik kóligi órtendi.
Derbenttiń ortalyq bóligi elektr jaryǵynsyz qaldy, qalada qaqtyǵystar bolyp jatyr.
Kúdiktiler minip qashyp ketken kólik izdestirilýde. Belgileri: aq Volkswagen Polo, nómiri — 921.
Daǵystannyń Derbent qalasyndaǵy sinagogada belgisiz bireýlerdiń shabýylynan keiin órt shyqty, dep habarlady qala ákimdigi. Tótenshe jaǵdailar ministrliginiń qyzmetkerleri órtti sóndirip, oqshaýlady.
Daǵystanda «Ustaý» jospary jariialandy. Shabýyl jasaýshylardyń jeke basy anyqtalyp jatyr.
«Eki sodyr joiyldy, qaýipsizdik kúshteriniń jumysy jalǵasýda», — delingen Daǵystan ishki ister ministrliginiń málimdemesinde.
«Politsiia qyzmetkerlerine jasalǵan shabýyldan keiin jedel shtab quryldy», — dep habarlady aimaq basshysy Sergei Melikov.
Ol Derbent pen Mahachkaladaǵy shabýyldardy áleýmettik jaǵdaidy turaqsyzdandyrý áreketi dep atap, azamattardy sabyrǵa shaqyrdy.
Tergeý komiteti terakt (Resei Federatsiiasy Qylmystyq kodeksiniń 205-baby) boiynsha is qozǵady.
Derbenttegi oqiǵa ornyna Daǵystan boiynsha Tergeý komitetiniń oblystyq departamentiniń basshylyǵy, tergeýshileri men kriminalisteri attandy.
Daǵystannyń barlyq aýmaǵynda terrorizmge qarsy operatsiia rejimi engizildi.
Daǵystan Respýblikasy múftiiatynyń Telegram-kanalyndaǵy jańartylǵan aqparatqa sáikes, Mahachkala men Derbentte sodyrlardyń shabýyly saldarynan 9 adam qaza tapty, onyń jeteýi quqyq qorǵaý organdarynyń qyzmetkerleri, 25 adam jaraqat aldy.
.jpg)