QR Qarjy ministrliginiń Ishki memlekettik aýdit komiteti daǵdarysqa qarsy sharalardy júzege asyrýǵa bólingen qarajattyń paidalanylýyna júrgizilgen aýdit qorytyndysyn jariialady, dep habarlaidy "Ult aqparat" Komitettiń saityna silteme jasap.
Memleket basshysynyń tapsyrmasyna sáikes QR Qarjy ministrliginiń Ishki memlekettik aýdit komiteti syiaqy mólsherlemesin sýbsidiialaý jáne nesie boiynsha kepildik berý, «Qarapaiym zattar ekonomikasy» baǵdarlamasy, 42 500 teńge mólsherinde tólemder, «Aýyl - El besigi» arnaiy jobasy, azyq-túlik jáne turmystyq jiyntyqpen qamtamasyz etý, turǵyndardyń kommýnaldyq tólemderin óteý, densaýlyq saqtaý júiesiniń qyzmetkerlerin yntalandyrý, meditsinalyq uiymdarǵa aqy tóleý, Nur-Sultan, Almaty jáne Shymkent qalalarynda 3 meditsinalyq modýldik keshender qurylysy, ishki ister organdarynyń qyzmetkerleri men áskeri qyzmetkerlerge syiaqy tóleý, bailanys qyzmetterimen jáne vedomstvoaralyq aqparattyq júielerdiń jumys isteýin qamtamasyz etý, azyq-túlik jáne arnaiy múlik satyp alý, palatalyq qalashyqty jabdyqtaý, blokpostardaǵy qaýipsizdikti qamtamasyz etý, jylý túsirgishter satyp alý, sot saraptamasy obektilerin salý, zirattary bar krematoriiler salý, sot saraptamalary jónindegi qyzmetter, aqparattyq-túsindirý jumystaryna arnalǵan daǵdarysqa qarsy sharalardy júzege asyrýǵa bólingen 700 mlrd teńgege jýyq qarajattyń paidalanylýyn qamti otyryp, aýditorlyq is-sharalar júrgizdi.
Aýditorlyq is-sharalar nátijeleri boiynsha kelesi buzýshylyqtar anyqtaldy:
«Aýyl-El besigi» boiynsha – qurylys jumystarynyń oryndalmaǵan kólemine tólem, saraptama júrgizbei avtojoldarǵa jóndeý júrgizý, kommýnaldyq menshikke jatpaityn obektilerdi jóndeý;
densaýlyq saqtaý júiesiniń qyzmetkerlerin yntalandyrý jáne meditsinalyq uiymdarǵa aqy tóleý boiynsha – qyzmetkerlerge yntalandyrýshy tólemderdi negizsiz esepteý, tóleý jáne tarifterdi qoldaný, emdelmegen emdelýshiler úshin tólem jasaý, sondai-aq, tehnikalyq erekshelikke sáikes kelmeitin jáne artyq baǵamen qurylǵylardy jetkizý, kórsetilmegen qyzmetterdi óteý;
turǵyndardyń kommýnaldyq tólemderin óteý – jergilikti atqarýshy organdar alýshylardyń sanyn asyra kórsetýi, kommýnaldyq shyǵyndardy óteý somasyn normadan artyq negizsiz esepteý jáne tóleý, azamattardyń arnaiy kategoriiasy tizimine kirmeitin tulǵalarǵa tólem jasaý, qaitys bolǵan adamdardyń esep-shottaryna qarajat aýdarý, kommýnaldyq qyzmetterdi jetkizýshiler alǵan qarajatty tutynýshylardyń esep-shottaryna ýaqytynda aýdarmaýy;
azyq-túlik jáne turmystyq jiyntyqpen qamtamasyz etý boiynsha –
birneshe kategoriialarǵa jatatyn tulǵalarǵa aqsha qarajatyn (azyq-túlik jiyntyǵynyń qunyn óteý túrinde) negizsz aýdarý, azamattardyń arnaiy kategoriiasy tizimine kirmeitin tulǵalarǵa tólem jasaý, azamattardyń jekelegen kategoriialaryna tiesili tólemderdi jasamaý.
Aýditorlyq is-sharalar qorytyndysy boiynsha anyqtalǵan buzýshylyqtar men kemshilikterdiń sebepterin joiýǵa, sondai-aq aýdit obektileri qyzmetiniń tiimdiligin arttyrý men jetildirýge baǵyttalǵan 26 usynym berildi.
Anyqtalǵan buzýshylyqtardyń barlyq faktileri boiynsha aýdit obektilerine anyqtalǵan buzýshylyqtardy joiý jáne olarǵa jol bergen tulǵalardyń jaýapkershiligin qarastyrý týraly nusqamalar joldandy.
Qazaqstan Respýblikasynyń Ákimshilik quqyq buzýshylyq týraly Kodeksine sáikes 31 laýazymdy tulǵa somasy 22,9 mln teńge aiyppul kóleminde ákimshilik jaýapkershilikke tartylyp, ol tolyǵymen biýdjetke tólendi. Buzýshylyqtarǵa jol bergeni úshin 481 kináli tulǵa tártiptik jaýapkershilikke tartylǵan.
Aýditorlyq is-sharalardyń qorytyndylary boiynsha protsessýaldyq sheshim qabyldaý úshin somasy 10 639,3 mln teńge bolatyn 28 material quqyq qorǵaý organdaryna joldanyp, 5 material boiynsha qylmystyq is qozǵalǵan, qalǵan materialdar qarastyrylý jáne tergeý satysynda jatyr.
Sonymen qatar, aǵymdaǵy jyly Jumyspen qamtý jol kartasy (JQJK) sheńberinde bólinetin qarajattyń paidalanylý tiimdiligine monitoring júrgizý boiynsha jumys aiasynda Komitet kameraldyq baqylaý júrgizý jumystaryn jalǵastyrýda, sondai-aq JQJK iske asyrýmen bailanysty zańdy jáne jeke tulǵalardyń ótinishteri negizinde aýditorlyq is-sharalar júrgizilýde.
Mysaly, 2021 jylǵy 14 mamyr jaǵdaiy boiynsha 2020-2021 jyldary júzege asyrýǵa kózdelgen barlyq JQJK jobalarynan jalpy somasy 185,3 mlrd teńge bolatyn 170 joba boiynsha memlekettik satyp alýlar aiaqtalǵan, onyń ishinde kameraldyq baqylaýmen jalpy somasy 86,4 mlrd teńge bolatyn 64 joba boiynsha buzýshylyqtar anyqtaldy. Qalǵan jobalar boiynsha memlekettik satyp alýlar habarlandyrý (ótinishter qabyldaý, ótinishterdi qarastyrý)satysynda jatyr nemese habarlanbaǵan (biýdjet qarajaty bólinbegen, JSQ pysyqtaýǵa jiberilgen, memsaraptama ótpegen), nemese satyp alýlar júrgizýden bas tartylǵan («Memlekettik satyp alý týraly» QRZ-ń 5-babynyń 13-tarmaǵy).
Bul rette, áleýetti ónim berýshiniń ótinimin zańsyz ótkizý, zańsyz qabyldamaý, shartty jeńildikterdi qoldanbaý nemese durys qoldanbaý memlekettik satyp alýdy júrgizý barysynda jol beriletin negizgi zańnama buzýshylyqtary bolyp tabylady.
