Koronavirýstyń birinshi kezeńinde daǵdarys ortalyqtaryna júgingen áiel men bala kóbeidi. Ulttyq qoǵamdyq senim keńesiniń tórtinshi otyrysynda áleýmettik jańǵyrý boiynsha toptyń atynan baiandama jasaǵan jýrnalist Lázzat Qojahmetova osylai málim etti, dep habarlaidy "Ult aqparat".
«Pandemiia jaǵdaiynda Qazaqstan ǵana emes, álemde kóptegen elderdiń halqy jumyssyzdyqqa ushyrap jatyr. Osy oraida halyqtyń áleýmettik turmysy ýshyǵyp, nesie men joqshylyqtyń qamytyn kigen otbasylar kóbeiýde. Qazirgi kezde pandemiia kezinde otbasylyq-zombylyqtar kúsheiip jatyr, balalarǵa qatysty zorlyq faktileriniń ózi halyqtyń ashý-yzasyn týdyryp otyr», - dedi L. Qojahmetova.
Onyń sózine qaraǵanda, koronavirýstyń birinshi kezeńinde daǵdarys ortalyqtaryna júgingen áiel men bala kóbeidi.
«Ókinishke qarai, olardy qabyldamady, sebebi koronavirýsqa qatysty test nátijelerin surady. Indettiń jańa tolqyny salqyn mezgilge dóp keletindikten, osy máselelerdi keleshekte qarastyrylǵanyn ári eskerilgenin qalaimyz», - dedi L. Qojahmetova.
