Qazaqstan Respýblikasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblikasynyń Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiianyń otyrysy ótti.
Komissiia otyrysyn ashqan G.Ábdiqalyqova Qazaqstan Respýblikasy Úkimetiniń 2016 jylǵy 9 qańtarda ótken keńeitilgen otyrysynda Memleket basshysynyń daǵdarysqa qarsy jospardan strategiialyq damýdyń mindetterin oryndaýǵa kóshý jónindegi bergen tapsyrmalaryn iske asyrý úshin árdaiym sybailas jemqorlyq kórinisteriniń aldyn alyp, memlekettik baǵdarlamalarǵa bólinetin biýdjet qarajatynyń qatań baqylanýyn qamtamasyz etý qajettigin atap ótti.
Otyrys barysynda birqatar memlekettik organdar men «Atameken» ulttyq kásipkerler palatasynyń baiandamalary tyńdaldy. Sáýlet, qala qurylysy jáne qurylys salalaryndaǵy sybailas jemqorlyqqa qarsy kúres, sondai-aq memlekettik indýstriialyq-innovatsiialyq damý baǵdarlamalaryn iske asyrýǵa bólingen biýdjet qarajatyn igerý jónindegi sharalar talqylandy.
G.Ábdiqalyqova osy saladaǵy sybailas jemqorlyq qaterlerin azaitatyn tetikter qalyptastyrýǵa erekshe nazar aýdarý qajet ekenin atap ótti. Olardyń tiimdilik dárejesine ekonomikanyń ahýaly ǵana emes, memlekettiń investitsiialyq tartymdylyǵy da qatysty bolmaq.
Sondai-aq, memleket tarapynan indýstriialyq-innovatsiialyq damýdyń 2010-2014 jáne 2015-2019 jyldarǵa arnalǵan baǵdarlamalaryn oryndaýǵa eleýli biýdjet qarajaty bólinetini aityldy. Olardy júzege asyrý kezinde biýdjet qarajatyn paidalanýǵa qatysty kóptegen zań buzý jaittary qatar júretini anyqtaldy. Indýstriialandyrýdyń alǵashqy baǵdarlamasy iske asyrylǵaly beri aqshalai qarajatty jymqyrý faktileri boiynsha memleketke 13 mlrd teńgeden astam ziian keltirilgen.
Memlekettik hatshy baǵdarlamalardyń jergilikti jerlerde Elbasynyń tapsyrmalaryna sáikes tiimdi oryndalýynyń, árbir investitsiialyq jobanyń iske asyrylýynyń, sondai-aq halyqqa memlekettik qyzmetter kórsetý kezinde elektrondyq resýrstar múmkindikterin keńinen paidalanýdyń mańyzdylyǵyn atap kórsetti.
Komissiia sheshimimen memlekettik organdarǵa zańdylyqty buzý faktilerine qatysty máselelerdi retteý jáne aldaǵy qyzmette olarǵa jol bermeý sharalaryn qarastyrý tapsyryldy.
Komissiia otyrysynyń qorytyndysy boiynsha memlekettik organdarǵa naqty usynymdar men tapsyrmalar berildi.
.jpeg)