Byltyrǵy 11 aida Qazaqstannyń EAEO elderimen taýar ainalymy 17,1 mlrd AQSh dollaryna jetti. Bul týraly Senatta EAEO-daǵy Qazaqstannyń saýda saiasatyn iske asyrý máseleleri týraly Úkimet saǵatynda QR Ulttyq ekonomika ministri Timýr Súleimenov málim etti, dep habarlaidy "QazAqparat".
«Qazaqstan bes jyl boiy Eýraziialyq ekonomikalyq odaqqa múshe bolyp keledi. Taýarlardyń erkin qozǵalysy týraly negizgi ýaǵdalastyqtardy júzege asyrý EAEO elderi ózara saýdasynyń oń nátijelerin kórsetýde. Atap aitqanda, 2018 jyldyń 11 aiynyń qorytyndysy boiynsha Qazaqstannyń EAEO elderimen taýar ainalymy 6,2 paiyzǵa ulǵaiyp, 17,1 mlrd AQSh dollaryn qurady», - dedi ministr.
T. Súleimenovtiń sózine qaraǵanda, atalǵan merzimde eksport 10 paiyzǵa ósip, 5,3 mlrd dollarǵa, al import 4,6 paiyzǵa ulǵaiyp, 11,8 mlrd dollarǵa jetti.
«EAEO elderimen investitsiialar aǵyny da ósýde. 2018 jylǵy úsh toqsandaǵy qorytyndy boiynsha EAEO elderinen investitsiialar 31 paiyzǵa, iaǵni 1,2 mlrd AQSh dollaryna deiin ulǵaidy», - dedi Timýr Súleimenov.
