20 maýsymda Qazaqstanda koronavirýs juqqan taǵy 930 adam anyqtaldy. Eki kún buryn 10 adamǵa koronavirýs pnevmoniiasy diagnozy qoiyldy. 19 maýsymda 9 adam qaitys bolǵan: 8 adam – koronavirýstan, 1 adam koronavirýs pnevmoniiasynan kóz jumdy dep aitylady.
Jeksenbi kúni Nur-Sultanda – 215, Almatyda – 115, Shymkentte – 59, Aqmola oblysynda – 36, Aqtóbe oblysynda – 19, Almaty oblysynda – 13, Atyraý oblysynda – 40, Shyǵys Qazaqstan oblysynda – 75, Jambyl oblysynda – 13, Batys Qazaqstan oblysynda – 66, Qaraǵandy oblysynda – 150, Qostanai oblysynda – 32, Qyzylorda oblysynda – 16, Mańǵystaý oblysynda – 15, Pavlodar oblysynda – 40, Soltústik Qazaqstan oblysynda – 13, Túrkistan oblysynda 13 naýqas tirkelgen.
2020 jyldyń naýryz aiynan beri elde 409 580 adamnyń koronavirýs testi oń shyqqan. 4242-i qaitys bolǵan. Buǵan qosa, koronavirýs pnevmoniiasyna shaldyqqandar 56 545 adamǵa jetti. 3424-i kóz jumǵan dep aitylady. Elde koronavirýs pen koronavirýs pnevmoniiasyna shaldyqqandar bólek esepteledi. Biraq halyqaralyq uiymdardyń saitynda eki kórsetkish biriktirilgen.
Qazir Nur-Sultan qalasy koronavirýs boiynsha "qyzyl aimaqta" qalyp otyr. Shymkent qalasy, Atyraý, Batys Qazaqstan jáne Qaraǵandy oblystary - "sary aimaqta". Qalǵan oblystar men qalalar "jasyl aimaqta".
21 504 adam koronavirýstan emdelip jatyr. (20 myńnan astamynyń PTR testi oń shyqqan). Statsionarda 6497 adam emdelip jatyr. 15 007 adam ambýlatorlyq jaǵdaida emdelip júr. 442 adamnyń jaǵdaiy aýyr, 86 patsienttiń jaǵdaiy óte aýyr, 54 adam jasandy tynys apparatyna qosylǵan.
Sońǵy málimet boiynsha, elde 2 mln 760 myń adam koronavirýsqa qarsy vaktsinanyń keminde bir dozasyn alǵan. 1 mln 668 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 178 mln 433 myń adamnan koronavirýs anyqtalǵan. 3 mln 864 myń adam qaitys bolǵan.
