Almatyda koronavirýstyq infektsiianyń kúndelikti ósimi 1,7 paiyzǵa jetti. Bul týraly qalanyń bas sanitarlyq dárigeri Jandarbek Bekshin onlain brifing barysynda aitty, dep habarlaidy "Ult aqparat".
Onyń aitýynsha, qalada virýs juqtyrǵandardyń sany 2201 adamǵa jetken.
«Onyń 84,3 paiyzy aýyrǵan adammen bailanysta bolǵandar. Jazylyp shyqqandardyń sany 1319-ǵa jetti. Keshe 37 jańa jaǵdai tirkeldi. Ósim kórsetkishi 1,7 paiyz boldy. Sondyqtan, búginnen bastap azyq-túlik bazarlary, qoǵamdyq tamaqtaný oryndary ashyldy. Qonaqúiler iske qosyldy. Aýdany 500 sharshy metr asatyn saýda ortalyqtary jumysqa qosyldy», - dedi Jandarbek Bekshin.
